2012冰島無價之旅(5)

 

好嘞! 到左機場去邊呢?
今日要離開Reykjavik去西北嘅 Isafjordur
數人先...1...2....3....4.....5......????
咦!! 唔見左一個嘅??
 :「喂喂~ 你o係邊呀? 我地出發喇!」
:「我2個鐘前自己去左機場先囉~ 點解仲唔見你地嘅?」



 :「aya! 你去錯喇! 首都有2個機場，
一個係國際機場，另一個係內陸機場，細好多架
而去冰島內陸任個一個地方當然係由內陸機場出發啦!
但內陸機場都有東西兩個位置入，
一個係Eagle Air專用，一個係Air Iceland 及其他廉價航空公司專用，
一定唔好搞錯喎!!」




：「check in 時間都係起飛前30分鐘先開counter!」

 

:「仲有15分鐘就起飛囉喎，點解仲未開 counter check in 架?」

等我去問下先o下~


aya~我地026 班機因為o個邊天氣太差....所以要dalay呀!
總之今日就去唔到...睇下聽日天意安排喇!

咁點算好呢?
搵地勤小姐幫下手聯絡先...
之前住o個間 LOKI Guesthouse 又full 晒
呢度o個度平d 近d嘅住宿又一樣full埋...
oh~~
真係好彩，搵到間3星酒店....
好耐無住過酒店喇...冰島3星...一定唔平...
貴都要搵個地方住先啦!

各位團友，地勤小姐比左張紙我，
佢話你地將佢交比的士叔叔，就會載你地去酒店架嘞!
請大家起行啦

唔使10分鐘話咁快到左lu
1800 ISK....即係大約HKD118...
放心! 地勤小姐話今晚嘅住宿同來回機場嘅的士費用
都係由航空公司負責

當然包括埋今晚嘅DINNER同埋明早嘅早餐啦
拿! 各位，地勤小姐又話...今晚除左開酒要自費之外，其他任你地ORDER !

食完晚餐不如出去行下
原來呢便都好大風仲有雨
吹到個路牌都指到錯晒!
咁大風不如返去早D休息
明早早D問下睇下走唔走到啦!

heehee~ morning呀!
聯絡左航空公司....佢地話今日17:25可以起飛喇!
仲有大半日...不如去呢間cafe座下
記得因為佢5點就收舖，呢幾日我地都係同佢擦身而過，
天意delay左航班..令大家有機會邂逅一下
見唔見到cafe前面有d好得意嘅木箱同麻包袋裝置呢?

其實係源於一班建築藝術學生嘅project
靈感就係來自呢間 Cafe Kaffismidja
但呢個裝置只是放一個短暫時間
第日再去肯定已經有所改變！
作為路人嘅我地
對這呢個點樣回應好呢？



拱樣回應好唔好?
真係好好hea.....

「喂~起身喇! 又話同我地去cafe嘅?!」


我好鍾意cafe嘅每一樣野都係好舊
舊得有心思但唔造作，
舊得每件似已被淘太嘅桌椅都重拾生命，
各有性格，亂中有序
感受到店主嘅心思
大家喜愛唔喜愛呢?
http://www.kaffismidja.is/coffeeshop/






咁快就夠鐘!?!! 起飛喇!


話咁快就到左 Isafjordur
點....點解咁嘅!?
天氣真係好差呀! 無眼睇!
大風...大雨....又凍左好多
原本計劃比大家玩下獨木舟..踩下單車咁全部都做唔到
連想o係度跑下步都太大風!





不過我嘅強項就係夠無聊
無野玩到，我都可以繼續旅行嘅暢快
四圍行下吹下大風又感受下香港難得有嘅寧靜都好吖
希望各位團友都將就一下啦
旅行唔一定要去到咁盡架ma....係咪?

呢度本身係一個魚村
雖然天氣唔多好
但都感受到四周被山環抱嘅震撼
而且問過town嘅人
佢地話呢度好容易睇到極光
我....有少少心郁添

貴為魚村...佢地一定有魚食啦!
頭先包租哥哥介紹我可以帶大家去鎮上唯一一間嘅食魚專門店
佢地個menu雖然show左好多唔到品種嘅魚出黎
但就無得自己order喇
因為佢地視乎當日可以有咩魚提供
所以全部o係呢間小木屋裡面嘅人都係食埋同一樣嘅魚...飲埋同一樣嘅魚湯
咁凍嘅氣溫下....大家都唔使睇咁多....最緊要有熱野食就夠喇



食飽飽返屋企喇
呢間就係我地呢2晚會住嘅小屋!
之後我地又要繼續向北走
休息下啦大家!



得6度...GOOD NIGHT!


話咁快2日
大家快D搬行李上機先啦
:「領隊，個天係咪唔鍾意我地呀?點解我地走嘅時候貢好天嘅?」
團友咪唔開心啦，個天比你老遠黎到冰島睇下，唔係已經好o錫你咩?

快d上機去下一個地方玩仲好啦!