關於我自己

我的相片
Hong Kong
永遠活在井底中...唯有不斷擴建井口...拉闊我的天窗

2018年1月21日 星期日

2018香港馬拉松 (1月21日)

上年(2017)o係賽事嘅一個星期前先知被搞錯左...由半馬變左全馬
只係練左半馬距離嘅我邊有能力去應付呢?
唯有行半跑半咁.....超時6小時02分返左終點!
而呢次無端端嘅全馬所得到嘅完成獎牌就只係一個關於報錯全馬賽事嘅紀念!

但亦都令我今年比D準備,嘗試一下正正經經去完成一個全馬路程!
我所以話"比D"準備,係因為雖然已經練到一般建議嘅長課距離,
但我知仲未做得好夠勤力!
 
呢日天氣預測唔算好,濕度成90%,氣溫17-22度,
但整個過程又比想像中好,亦都唔算過份辛苦,但唔係唔辛苦囉!
 
每次走到有人群嘅街道,聽到打氣聲,就算幾攰都會撐一撐
 

 最後5:05完成42.195全馬...雖然隻錶係有少少落差...
 
 
今次呢個牌終於再唔係關於一個報錯全馬賽事的故事...
所以嚴格黎講呢次先算係我正式嘅初馬!

 

2 則留言: