再來街馬--2015 Feb 08

AXA安盛香港街馬

上年係第一屆街馬

遲左報唔到名

今年報到

仲新增左21K賽事

號碼布仍然係可以自己改個名

無錯

我係。。有腳雀仔

大家好！

 

作為一隻有腳雀仔

有腳都要有對翼

就咁啦

起行!

 

 

 

 

街馬嘅氣氛非常之好

有表演。。有遊戲。。有得食有得飲。。

最好嘅係跑完之後仲送個坐墊比你

即時於終點前空地可以坐住休息同朋友一齊ｈｅａ下，吹吹水！

 

21K嘅賽道前半同10K差不多

都係主要希望大家跑入社區

感受下跑街時有唔同嘅阻礙

 

由啟德遊輪碼頭為起點及終點

中途經觀塘海濱長廊、觀塘工貿區及九龍灣住宅區

觀塘繞道，麗港城至麗晶花園路段

 

大街小巷、工廠區、行人天橋、

天橋底有草有天橋車過時嘅塵散落、

後半段就係跑極都唔完嘅觀塘繞道

 

 

 

跑道途中街道上人嘅叫喊聲、鋼琴伴奏、管弦樂、非洲鼓、

同我覺得最正嘅醒獅band等等嘅打氣

氣氛極之好之餘亦幫助好大

整個賽事係非常之開心好玩

 更加好嘅係

雖然好似係一個just for fun嘅賽事

但途中就算大家幾攰。。跑到個＂樁＂都散散地都好

都係見到大部份人唔係hea的

有好多著住特別打扮嘅跑手

身上負擔已經好重好熱

但都係跑住完

真係佩服到五體投地！

 

終於完成喇!

 

 

嘩!58分30秒跑完個半馬!

你估我真係雀仔曉飛咩!

 

 

 

 呢個先至係我今次用左嘅時間

 

對於今次呢個街馬...

辛苦完之後。。係想再玩嘅