冰芬兩路之旅--(7)

hea左大家咁耐....真係...唔好意思
「喂~導遊小姐...妳呢句說話講左好多次架喇! 唔同妳計較咁多，但比d新意好唔好 !?」
sorry!sorry!
咁我一陣補償少少野比你地啦

而家坐電車去一個大公園先

 

 

 

 

呢個公園叫 西貝流士紀念公園 The Sibelius Monument

 

見到呢個雕塑係咪開始有印象呢?

 

「呀!係呀係呀! 成日o係d相到見到架! 」

 

 

呢個由一支支組成嘅雕塑，係象徵管風琴

 

 

「咁~右手邊個頭又象徵咩呢? hee~」

問得好!

個頭無任何象徵，直頭係西貝流士(Jean Sibelius)黎架

「西貝流士? 邊位呀?」

芬蘭最著名音樂家，芬蘭頌嘅作曲人

呢個公園就係紀念佢架

 

 

 

 

  

哇!咁影番張"到此一遊相"先

笑~~~~

 

 

 

我又影....

呢個管風琴..感覺同冰島隻維京船一樣...比我想像中大好多..

 

 

 

因為時間關係

我地話咁快就已經去到下一個地標喇

我坐得咁造作嘅地方你地覺得係咩黎呢?
 

「咁多石...係咪防空洞黎架?」

 

呢位團友真係好想像力

防空洞都答得出..haa

呢間係教堂黎架

叫做岩石教堂(Temppeliaukio Church)

 

佢本身只係一舊大岩石

designer就地取材

將佢挖開但保留番大部份岩石而建成

我就好喜歡嘞

大家又有咩感覺呢?

 

 

 

 

 

呢個係放聖水嘅

都係沿用番天然嘅岩石+銅

夾得好有style

 

 

遇上聖誕前嘅將臨期

耶穌聖嬰當然會出現啦

旁邊d星星紙係提供比大家送比佢架

我o係背面寫左d野...

 

但有無團友知道張星星紙上面係寫左d咩呢?

 

除左岩石

呢個銅木管風琴係呢個church另一個靚位

 

開始時我話會比番d補償大家

而家我將呢度嘅聲音同現場帶埋返黎比你地

請笑納