冰芬兩路之旅--(10)

今次旅程最後一站係上年黎過嘅冰島
不過
今次唔同大家環島喇
只係留o係Reykjavik
行行企企坐坐
靜靜靜 聽聽聽

如果想睇番多少少
請大家移一移玉步，去番我之前寫過冰島嘅post喇

上次跟過我黎嘅團友就一定知
如果係第一次黎嘅話
我極力推介你地要做嘅第一件事
就係飲杯野

「嘩~好呀...領隊妳請我地去邊度飲野呀? 飲咩架? 冰島特飲?」

比隻杯你地先...一人一隻...
o拿..你嘅..妳嘅...

好!
跟住請大家攞房之後入廁所開水喉....
呀!記住..一定係凍水喎..

「咦~~~~~妳好cheap呀...水喉水...」

oh! no!?
呢度嘅地下水又乾淨又好味!
第一次飲嘅時候
無咩特別留意
但總係令我飲完成日想飲
係有別於以往去過嘅地方嘅水
所以先發現真係幾好味

所以

今次有機會再黎
狂飲
再介紹多次比大家

「好好味呀~~但我真係好想出去呀!」
OK...咁是但出街行下




「aya! 都話早d出去行架啦...搞到而家日落喇！」

團友呀...妳睇清楚而家係咩時晨? 日出左無幾耐咋
↓ ↓ ↓

「無幾耐咁即係九點幾日出???...妳唔好呃我喎，我都讀過o下書架喎」


冬季有雪就無日日失驚無神恭喜你嘅失魂雨
但就換左好短嘅日照時間.....同埋另有淒美味道

 

 

 

又黎睇下佢先，似乎冬天襯佢多D 

 

去一個陌生地方但一切似乎好熟悉咁

 

清甜嘅白開水，清爽嘅空氣，整齊清潔嘅街道，
但每個地方都會有稍為唔企理嘅地方，你同我都要明白，
完美定義係包括埋不完美

「嘩! 搞咩妳咁正經講埋呢d野呀，領隊? 我好唔習慣喎」


唔習慣...就跟佢地行啦