真空2019

今天

2020(2046)年11月28日星期六

打個招呼後再認真翻看這個網誌

原來對上一篇已經是2018年1月21日星期日

2019年...在這虛擬網絡內我完完全全真空了

沒留半點回憶

但現實世界中生活在香港

卻有超出負荷的回憶

憤怒...折磨...撕裂...團結...希望...恐懼...失望...無力....憤怒...折磨...撕裂...團結...希望...
恐懼...失望...無力....憤怒...

無限輪迴

在無力無助的日子裡

做可以做到的

做不到的

就向我相信的祂禱告吧!

願光榮歸於父、及子、及聖神
起初如何，今日亦然
直到永遠
阿孟

 

HELLO

 HELLO

唔知點解

無啦啦入返黎呢度

仲有無認識嘅Blog友繼續寫?

係咪好似呢個廣場咁?

              

i Run 香港賽馬會特殊馬拉松2018

2018年1月14日，這個星期天晨早出發去做塘邊鶴!

這是一個對於某幾個人來說，是「非常突然」的一個上午，
一個傳揚與智障人士共融的賽跑活動日！

並非叫個口號的籌款賽，
而是伴跑員會跟學員1+1的並肩作戰，
一起跑過終點!

可能大眾多會認為智障的能力是異於常人⋯⋯
而今天看到不同組別的三甲成績，証明真是異於常人!
3K10分幾…11分幾...好强 !

也有伴跑員因為要經常一起練習，反過來被操fit了!

在這條短短的賽道上告訴我們，
沒有一面倒的强，也不存在永遠的弱，互相尊重，這是共融!

 

 

 

 

 

 

 

 

弱勢回歸

原來最近期嘅一個po係2016年2月1 日
再check下....見到個草稿箱
原來有個有關另一個旅程嘅首篇寫緊...

原來我已經有年幾無再o係呢度寫野
諗左好耐都記唔番個password...
諗住算嘞...點知又忽然記得番...入到黎

仍然覺得呢度好似好唔就手
但都會試下寫番blog
呢度風涼水冷
可能反而係寫野嘅好地方
比我o係度企得chork少少沉思一下先.......

極光!

以前

傳說睇到極光係唔吉利

所以無人會鍾意睇到

 

而家

個個話睇到極光係代表自己有緣又幸福

所以大家會老遠咁去"追光"

 

咁...老遠走去睇但又睇唔到係咪真係代表自己運滯唔幸福呢?

旅行其中一個環節啫

點解要定義呢?

千其唔好抹煞左旅程其他開心野MA

 

點都好

總結

呢條狐狸尾巴

係...可遇不可求

 

 

 

 

 

 

不過

以後睇極光無須有緣...只要有電....

haaaa!

 

click入去
↓

https://www.youtube.com/watch?v=-cm6o7PiGkw&feature=youtu.be

佔

咁大件事

咁先進嘅科技世界

就算係身在海外嘅朋友

都一定會知香港呢個幾星期發生左咩事

 

 

佔中變佔鐘

什至..佔旺...佔銅...佔尖

連上水都話佔過下

 

呢段時間

無錯...係見到有秩序嘅美麗畫面出現

 

不過

亦都見到唔少令我非常失望嘅現象

搞到個人都好困...好困...非常困...極度困

 

無論你係

上上..下下...左左...右右...前前...後後......
中間偏左....中間偏右

都係會比人鬧

 

連中立....沈默都係錯

一樣會比人鬧

 

無論你言明係支持..但只係想大家開條路比人行下....

就會立即"被變成"反派

明明係被屈

但仍然繼續o係掌聲中被輿論圍剿
當然又比人鬧緊

 

追求祟高理想背後

同時失去更祟高嘅人性

 

究竟
人之初...性本(     )?

佔你嘅思想..佔你嘅態度..
呢種似曾相識嘅批鬥
出現o係一個追求民主嘅畫面裡
係咪好諷刺?
 

 

我想...

我再講落去....

都就快會比人鬧

阿門! 

 



矛盾　虛偽　貪婪　欺騙　
幻想　疑惑　簡單　善變
好強　無奈　孤獨　脆弱　
忍讓　氣忿　復雜　討厭
忌妒　陰險　爭奪　埋怨　
自私　無聊　變態　冒險
好色　善良　博愛　詭辯　
能說　空虛　真誠　金錢

啊　我的天　高級動物　
地獄　天堂　皆在人間

偉大　渺小　中庸　可憐　
歡樂　痛苦　戰爭　平安
輝煌　黯淡　得意　傷感　
懷恨　報復　專橫　責難

幸福在哪裡　幸福在哪裡
幸福在哪裡　幸福在哪裡
幸福在哪裡　幸福在哪裡

開blog篇~~離開是為了回來

我一直只係用緊NOKIA...
仲要係摺機...

我一直只係打緊YAHOO BLOG...
仲要係殘存嘅時候...

我咁專一

但佢地同一時間齊齊摺埋

放棄我

傷害我弱小心靈

嗚~~~

我唯有跟大隊黎呢個新地頭

先可以繼續同D 舊BLOG友團聚

點樣用呢個BLOG

我都重要適應下



我走LU

以本人性格
係要迫到我盡先至會擺休

但今次好唔同
太老土太煩
咁就不如跟大隊去呢度
同大家團聚啦
http://reborn7e.blogspot.hk/

是‧但

係 樹輪蛋 糕....定係 樹輪 蛋糕?

如何保持青春(下)---內『伏』篇

正所謂
相由心生
又有云
由內形諸於外
所以
有關青春解讀
呢一篇下集
我地就o係內在潛伏去睇...

青春係用黎浪費嘅無形物質
當有一日你覺得坐o係度望住條街發呆係好浪費時間
又或者開始有呢d想法
「我地以前邊似而家d細路咁架!」
「我心境青春o麻」
你亦已經唔再青春

所以
青春唔只係外表
仲有態度
 

要令到自己青春d
就要認老


「咁矛盾?」

係呀!
簡單d講係量力而為
有時去做埋一d後生仔先有能力做嘅野
個結果只會提醒左你已經唔再青春喇
睇下最近呢件事
http://blog.yahoo.com/_ODXQCDZZUBNWKWEFUO6G6B4HNE/articles/1240994

唔做唔錯...唔做亦都唔覺


雖然係咁講
但亦都要有D朝氣先得架
最好嘅就係做運動嘞
仲要係出到汗o個種
真係有眼睇架
無論我身邊或者"市面"上嘅公眾人物
keep得唔錯而又唔覺有「後期補給」嘅男女
都有做同一樣野>>>運動
試想下
咩野講到尾都係令血液循環良好
身體點都會健康d..精神d
自然有朝氣
有朝氣嘅人都青春d啦

如果本身係一個唔多郁嘅人
要令自己肯持久做運動
首先要搵一種自己有興趣嘅
又或者搵朋友一齊做
而7e就唔使人陪都得
所以就無咩大問題
介紹下我有做嘅運動啦

瑜伽
都已經有8-9年時間
幸運地我遇上一位好老師
初時係為左健康又對呢樣野好有興趣
慢慢仲有bonus出現左
就係修身修心
雖然本身唔係肥
但係拉筋同一d要用唔少力嘅維持動作
令骨骼體態不經不覺中改善左
亦都有少少肌肉形成

從瑜伽中又令我明白左一d道理
某d做人態度亦都有改善
真係一種非常好嘅東西

跑步
讀書時都有玩短跑
但一直認為自己係無氣長跑
想試但又多多借口
舊年終於dick起心肝開始
點知練10k又無想像中咁難喎
而且每次跑完之後
心情好暢快
心思思成日想跑下

對我而言
瑜伽同跑步有一個共通點
就係好enjoy 呢種辛苦
辛苦過後所得到嘅鬆弛真係好舒暢

 

網球
都係舊年學左d基本野
唔叻
猜下波流下汗都好架喇

不過
凡事中庸
運動適量就可以
over左變人乾就要入大英博物館架喇

但講到尾
就好似有位blogger回應所講
夠瞓
真係唔夠瞓就做咩都無用

音樂
似乎聽rock真係會令人青春
我由抗拒.....到嘗試..... 到接受 .....最後喜歡
真係好多謝導我去聽嘅呢個人
真係好正



最後
就係放開個心
有時比人笑下係唔使死嘅
唔好為左小事放唔開皺晒眉
難題自然會上門搵我地
所以我地又點解無啦啦去自己搵呢!


分享完畢
上下集純粹個人感受
並非要導人迷信
拜拜

如何保持青春(上)---外敷篇

呢個題目
係前2篇腦閉塞時請大家幫忙出題
blogger
「Pandor香傭講法文」嘅提議
雖然我可能無咩說服力
但都總會有自己嘅一套保持青春法則
咁就o係呢度分享一下啦


首先要認識一下青春係咩黎
膚淺少少方面去睇....
當我地外表上開始有皺紋出現時
就已經無左青春


外觀上
父母嘅DNA係先天強化劑
佢地生得你個樣後生定成熟係無得選擇
所以
唯有o係後天盡量幫幫手
有人用神仙水、打botox、透明質酸...
而年事已高又有皮膚煩惱嘅我...
近幾年開始愛上用天然材料
希望減少化學物質可以有幫助



首先出場係
阿源肥皂
(我用開o個塊賣相唔多好..借用圖片一張)

洗臉要乾淨
有醫生話
市面上有好多洗完之後即刻好滋潤嘅洗面膏
其實清潔力不足
所以建議用番洗面皂
我覺得都合理
而且以前都有用蜜糖皂
要改番無問題




跟住出場嘅係「油」



1號
樁花油(或者叫茶花籽油)

呢種油係我一位天生靚皮膚嘅同事介紹
我無奢望過有佢嘅靚皮膚(人地父母DNA黎ma)
但佢都放心用...我都覺得可以放心試
當然試之中都要好好暸解一下先啦

我用嘅係仁光堂出品
 http://www.renguangdo.com/product4.htm

(味道較濃，但我唔太抗拒，亦有另一種加左薰衣草，令味道較易令人接受，不過我個人還是喜愛選用純正茶花籽油多d)

 

另一支係麗仁行出品
http://www.linglee.com.hk/product-detail.php?id=2
(味道較淡，顏色亦都較清淡，介紹我用嘅同事講，出品人係先用左仁光堂出品後，再自家出品)

 

前者同後者嘅分別係種植山茶花嘅地方
中國 vs 日本
自行選擇啦!
(我2隻都有用，只係而家我仲對日本輻射影響有陰影，所以都係用番內地種植o個隻)

佢嘅好處係一油可以走天下咁濟
落妝油...潤膚(面同身都可以)...防曬..都係佢
帶去旅行非常方便



2號
椰子油
一定要係【初榨】

亦都係可以落妝油...潤膚(面同身都可以)...防曬
係我瑜伽老師介紹我地認識
又暸解一下先啦
http://shop.club-o.org/shopnews/SN039/


但我只係o係晚上用黎按摩塊面
日頭無用

以上2種油唔會同時使用
我分別一早一晚用
(冬天或者遇到較低溫度時會變成凝固狀態，但一放o係掌心或者連樽浸o係熱水時好快會溶)



3號
橄欖油
係沙糖(或者黑糖)+橄欖油 
用黎磨沙用
呢個感覺非常




最後出場係我Honey
haaa~~~梗係唔係啦
係大眾honey
蜜糖敷面真係非常之好

1.牛奶 +沙糖+蜂蜜 (比例1:1:1)
  每日塗o係眼側30分鐘後清洗，有說可舒緩魚尾紋
如果面部皮膚十分乾燥，亦可嘗試用晒成塊面
(但如果敷面無須日日用，視情況而用，因為呢一個係好RICH嘅MASK)

2.白伏岭+蜂蜜
可以每日做
將白伏岭磨成粉粒，用蜂蜜調成糊狀
塗o係面上30分鐘後洗去
可以美白及血液循環
份量比例很難講比大家知，只可用過後以個人喜好作調整，
但我塊面個size...買2兩白伏岭磨成粉粒已經可以用好多次，
仲有嘅係我用機磨成粉粒後仍然好難溶化o係蜂蜜內，
唯有像"批檔"般塗在面上
但效果都好好

3.人參粉+蜂蜜
做法及時間都係同上述一樣
只係無須自己磨粉，方便d
呢個做法只係因為人參粉過左期唔敢再入口
所以嘗試用，無特別根據，
只係我個人嘅嘗試!



我的起心肝用過呢d天然護膚品之後
已經對市面上嘅產品無咩購買慾望
(冰島blue lagoon泥例外..heee)

呢篇post咁長
悶死大家未呢?


 

 

出題

 

再起步

上個月整親隻腳
停左個幾月無跑步
 尋日開始再起步

由一對揾左好耐先有我SIZE嘅新跑鞋陪我再開始
佢真係一名"好鞋子"
完全無需適應
舒適又靚仔