快餐店陰質事件(Compliance)

 

星期天看了這個




一件不可能會發生的荒謬悲劇
一宗性侵犯案
只憑一個來電...一場心理遊戲中真的發生了
權力...盲從...
會令人多加反省

 這是真人真事改篇的電影
沒有令人不安的畫面出現
但來自那心理的恐懼所出現的不安感極度強烈
以前曾經有齣名為
"FUNNY GAME 瘋殺遊戲"的電影
也有類似的手法讓人產生不安
但這齣"快餐店陰質事件"那種...
是讓我從未試過有點想離開影院的衝動.....
不過
仍然要說
這是一齣好電影

尋找穩世巨星

今晚睇完呢齣紀錄片...急不及待好想分享....感動人且非常傳奇嘅真人真事~
真係好好睇!!!! 

主角Rodriguez七十年代初出版過兩張唱片，o係美國無人問津，
但佢嘅作品內容對世界嘅批判及人生反思，
卻o係地球另一方嘅南非就得到巨大迴響，
甚至改變左活o係種族隔離政策中年輕人的心態，
原來係可以反抗....
而當時o係南非唔敢發聲嘅白人band友亦受佢音樂影響而創作令社會改變嘅作品，
Rodriguez唱片銷量更達到五十萬張。同o係美國時得6張實在天壤之別...
但諷刺地...Rodriguez卻一直唔知道自己嘅影響力係咁大，連一亳子版稅都無收過...
o係南非有一個人無意中知道呢件事後，
簡直唔相信呢位o係南非無人不識嘅神秘身份大紅人會o係美國一文不值...
決定尋找佢嘅足跡....

Rodriguez 真係一位"好闊"嘅人...而且...態度好型!

打小報告

終於打完個冰島POST
o係呢段期間
其實我有好多野想分享一下
但又唔想成日將個旅程拆得太散，唔連貫
所以而家先打自己個小報告比你地聽下
唔想睇都要打架喇。。。呢個我地頭黎架ｍａ！

1月去左睇ANDY WARHOL一個錄像展
裡面主要係佢早年嘅錄像同相片作品
而其中2個較出名嘅錄像 Sleep (1963) 同埋 Empire(1964)都有得睇
前者係一直影住一個人瞓覺5個鐘頭+20分鐘
後者係一直影住帝國大廈8個鐘頭+5分鐘
但真係好老實講....個人觀感...有時出左名都唔可以講做過乜都係有意思...
可能佢買左部機返黎...無聊一番咁簡單!

但我對於香港有個咁空曠嘅私人gallery...真係好高興!  仲要係免費入場
記住佢...佢叫osage





2月跑左第二次嘅10k 賽事「渣打馬拉松」(第一個係unicef 10k)
係我首次參加呢個活動
為左健康，上年初開始加多左跑步呢個運動，
但跑跑下.....發現佢真係一個令人身心都好暢快嘅運動
於是定左個目標比自己，要一年之後參與呢個長跑項目
今年o係維園出發...希望下年可以ｏ係尖沙咀起跑啦～




今年香港藝術節分別o係2月及3月各選左一個節目欣賞
「怪誕城的動物與孩子」及「四季狂想曲」
兩者都睇得我高興
共通點都係用左好簡單嘅處理手法就可以有異常好嘅效果!
好鼓勵香港嘅家長們帶仔女多欣賞呢ｄ有趣嘅表演
我好相信令小朋友睇得開心之餘會有意想不到嘅啟發性!



「怪誕城的動物與孩子」...英式幽默~ .劇團係來自英國嘅1927


 


「四季狂想曲」呢個舞蹈團Momix真係要記住，無論o係香港或者海外嘅你，
有機會知道佢地有表演，真係要去睇睇






仲去睇左幾齣電影，呢幾齣都喜歡

Amour~
導演係米高漢尼卡，o係以前我個 blog都介紹過佢其中一部作品
http://blog.yahoo.com/_ODXQCDZZUBNWKWEFUO6G6B4HNE/articles/87636/index

女主角53年前做過一齣都係有個"Amour"呢個字嘅戲喎....而家佢仍然有一種優雅嘅味道存在...靚會帶得走...但氣質係可以長存....

Emmanuelle Riva, dans Hiroshima Mon Amour (Alain Resnais, 1959) et Amour (Michael Hanake, 2012)





English Vinglish~
《紐約精讀遊》

印度電影，又係好正面思維
但發現個編劇同導演可能好不滿美國嘅文化
不過又真係無錯喎...美國真係好自視過高

 

 

呢一齣呢就唔講咁多嘞....只係講我會選擇相信第一個故事結局...
你地自己估下係邊齣啦~haaa!




3月尾參加左一個「西藏頌缽迷你音樂會」淨化下自己身心
幾年前認識左一位催眠治療師，亦都係一位西藏頌缽療師，
因為咁樣對潛意識呢樣野注意左好多，
之前都試過集體催眠活動(4人左右啦)，
只係一個小試，發現真係可以令個人精神好左，
而呢個西藏頌缽，對於身體非常有好處，
所以今次好好試下，不過都係一次集體活動
有興趣知多少少，CLICK入去睇睇啦→  http://www.bealive.hk/Chin/sing1.htm

廣告時間:
小學之後就再無著過水靴…一直都想買…但又好”痾個”…睇極都唔啱…
終於見到一對係啱心水…所以最近買左佢….
除左因為佢係橡膠好捱得之外…仲著左都無人知…落落下雨又出番太陽都唔會唔啱key...
唔該晒~ 馬田醫生!

 

 

春嬌與志明

前晚終於跟朋友們看了"春嬌與志明"

最讓我共鳴的..並非那"人渣論"

而是.....女主角發現自己在不知不覺間"傳染"了男主角的性格.......

...是的...

要強硬對方改變來迎合自己，何苦!?

有愛...自然會互相"傳染"....

帝皇級『寢宮』

呢間酒店o係西安
$400一晚
細路仔入到去都嚇到喊
我只係睇相都有少少嚇到想喊

覺得自己比人生葬一樣
咁都比佢想到
都話祖國同胞有創意但無機會之o麻

話時話
如果....
有一日佢用『神雕俠侶』做房嘅題材
我又想試下喎
唔知小龍女條繩床我瞓度唔瞓度呢

(鳴謝:圖片來自都市日報)

http://www.metrohk.com.hk/index.php?cmd=detail&id=156917

愛在遙遠的附近THE PAINTED VEIL

這齣電影一直想看，只是每次都沒有把DVD買回家!
那個週末，有線終於播放 ~
我還有籍口要錯過嗎？

想看，是因為 Edward Norton(愛德華諾頓)
其實他的電影年資不淺，只是一直對他不太認識
但自從一齣『博撃會』，令我愛上了他的演出!
演技恰到好處，不浮誇，令人看得舒服
壞蛋與正派同樣演得出色!
最重要是...........他雖然不是什麼美男子
卻擁有一股文人的氣質，實在有點吸引
當然，這是我個人觀感，你可以不認同!

這片子本身的故事也值得一看
抱歉我很討厭將故事內容在此發表
又要請你click入去看看吧！
http://www.rthk.org.hk/culture/movie/20061201_342_53013.html

看完了？謝謝！
如你也喜歡看劇情片又對感情細膩的描寫有喜好的話
請慢慢品嚐這齣名叫『愛在遙遠的附近』的作品

兩個人互相精神折磨對方，到頭來只後悔愛得太短......

好喜歡內裡有兩段對白
第一段是......
男主角對女主角說：『我們竟然一直在對方身上尋找一些不存在的條件....』
另一段是......
修女對女主角說：『......因為我對他有責任，所以當時我仍留在他身邊，如果，你對一個人同時擁有責任與愛，你實在已經幸福......』

是的，為什麼很多人會漸漸不滿你身邊的那一位？選擇在一起時不是因為互相欣賞嗎？可能，到某個時候，大家開始在對方身上尋找一些不存在的條件....實在浪費相愛的時光～

一百萬零一夜

星期六啱啱睇完『一百萬零一夜』呢部電影，就算有無被提名奧斯卡，我都覺得係一部拍得好好嘅作品，配樂好、故事好、導演好......

我又唔想o係度講故事大綱，有興趣嘅自己去睇睇啦↓
http://www.hkheadline.com/ent/movie_info.asp?srctype=m&contid=881

如果你去參加『百萬富翁』呢個遊戲節目，會係基於乜野原因??
為獎金 ? 為挑戰自己 ? 但男主角就有一個浪漫嘅原因........

有人會因為運氣、因為學識而贏取到呢一百萬，而男主角就用佢坎坷嘅經歷『輕易』咁得到，但，如果可以，佢寧可永遠得唔到呢一百萬.........

我極力推薦呢部電影 !

 

 

一奏傾情(Once)

2008年話咁快就要起飛離開地球，
我唔o係呢個時間去回顧或者反省08年做啱做錯d乜，
因時間關係，我平日已經做左呢d野~
年尾先反省實在太遲，得o個幾日唔夠我反省， 
倒不如回顧一下我今年睇左乜野電影，
邊d我覺得好睇，同大家分享一下......

 

愛與狗同行 (This Darling Life)　←特別原因要捧場
藍莓之夜 (My Blueberry Nights)　←好睇
大吉利事有限公司 (The Darjeeling)　←好睇
潛水鐘與蝴蝶 ( Diving Bell and the Butterfly)　←好睇
Juno少女孕記 (Juno)
一奏傾情 (Once)　←好好睇
鐵甲奇俠 (Iron Man)　←好睇
低清老翻王 (Be Kind Rewind)　←好睇
新變形俠醫 (The Incredible Hulk)　←因為Edward Norton，所以去睇
愛‧住‧巴黎 (Ensemble)
蝙蝠俠─黑夜之城 (The Dark Knight)　←睇開繼續睇
瘋殺遊戲 (Funny Games)　←好睇
逆轉年華 (Youth Without Youth)　←真係唔識欣賞，睇到我死咁濟
情迷巴塞隆拿 (Vicky Cristina Barcelona)　←好睇
鐵金剛之量子殺機 (Quantum of Solace)　←睇開繼續睇
CIA光蝶離奇失竊案 (Burn After Reading)　←好睇（黑色幽默）
地球停轉日 (The Day The Earth Stood Still)　←忽然想睇下Keanu Reeves所以睇
東京部落 (Tokyo)　←好睇

以上有幾多套你都有睇過？
大部份我都覺得唔錯
雖然唔同嘅片種唔可以比較
但當中有一套我真係好鍾意
就係『一奏傾情』(Once)

唔只套戲好睇
首歌都好好聽
↓Click黎聽下先丫

Falling Slowly - Glen Hansard

無俊男美女做主角，無大團圓結局
互相欣賞、互相鼓勵，令對方達成夢想
漸漸互生愛意......
但礙於女主角丈夫回頭重修舊好
大家只有繼續將愛意埋o係心底
祝福對方，繼續自己嘅生活......

無激情、無情話、無戲劇性嘅情節
但令人睇得舒服，感覺浪漫～

唔知自己係咪有Ｄ變態
好多結局唔完美嘅愛情片
我總覺得特別浪漫

有時間不妨睇睇
希望你都會鍾意

 

FUNNY GAMES 瘋殺遊戲

上星期六，睇o左呢齣電影，
睇o下 D 劇照...

係唔會估到呢部係一齣令人不安o既驚慓片，

個名叫
↓

導演:
米高‧漢尼卡(Michael Haneke)

演員

娜奧美屈絲(Naomi Watts)、添羅夫(Tim Roth)、
米高彼特(Michael Pitt)、波迪哥伯爾(Brady Corbet)

級別： IIB
片長：111分鐘
上映日期： 2008年8月28日


聽聞呢齣電影係導演十一年前o既作品，
原裝係德國版，
之後有人出 $$ 請佢拍成美國版，
但係，佢無將套戲"重拍"，
而係原裝毫無刪改o甘搬o左去變成美國版，
所以原汁原味!

內容好簡單，兩個文質彬彬o既年輕人，
毫無原因o甘去渡假屋虐待人。

 

呢齣電影，
一係好鍾意，一係好唔鍾意，又係無中間，
你有o個樣o野就會有感受，
所以，
我介紹唔到比我D朋友睇，
唯有o係度講o下，
有興趣就自己睇喇!

 

 

 

男兒當衝線(Cool Runnings)

對於奧運，我特別喜歡看100米短跑，以往奧運飛人多數是美國的世界，今屆很高興看到男女飛人同是來自牙買加，更令人過癮的是女子100米的三甲均由牙買加包辦，相信女子 4 x 100米 接力的金牌也將會是屬於她們的，試想四個人接力，有三個是獎牌得主，第四個只翻筋斗衝線也會跑贏吧!

對於牙買加飛人保特(Usain Bolt)收步也可破世界紀錄，衝線時還側身對著鏡頭來個甫士，不知道賽前他是否『隊了草』，真的佩服得五體投地! 但據說100米只是他的『兼職』，『正職』其實是200米，教練為了加強他在直道的訓練，於是嘗試多報一項100米，怎知給他輕易取了金牌之餘還破了世界紀錄! 對於今夜的200米決賽，實在令人期待，結果他又贏得過份，又破了世界紀錄，強勁!!

提起牙買加，我想起在很久以前看過一齣不錯的電影『男兒當衝線』(Cool Runnings)，用了輕鬆有趣的手法去改篇一個真實故事，大家有空不防找回影碟一看。

電影簡介:
牙買加這個盛產短跑好手的熱帶國家，實在難以與冬季奧運會
這個「冷冰冰」的運動盛事扯上關係，但牙買加(Jamaica)的確曾參加
1988年在加拿大卡爾加(Calgary)舉行的第15屆冬季奧運會，
首次出戰4人雪撬比賽，是這個項目在歷史上首次出現黑人的面孔，
事迹後來更被改編成電影《男兒當衝線》(Cool Runnings)。

故事內容描述一位牙買加的運動選手原本希望參加奧運短跑項目，但因初賽發生意外而失去機會，毅然轉去參加冬季奧運的雪撬比賽，但大家都當這是一個笑話，因為像牙買加這種熱帶國家連雪都沒看過，還談什麼雪撬﹗但比賽開始後
牙買加居然以黑馬姿態表現出眾，反而贏得觀眾最多的掌聲。

潛水鐘與蝴蝶 -------- 我的潛水鐘

星期六看了潛水鐘與蝴蝶(The Diving Bell and The Butterfly)，單看內容，要拍成一齣120分鐘的電影將會是很沈悶的，但出色的導演往往可化腐朽為神奇!

記得在N年前的偶然下首次接觸這個真人故事，那是一次電影節，我看的是"拾荒者"，當時加送了一段名為潛水鐘內的蝴蝶10分鐘短片，但暄賓奪主，我對這短片印象深刻!

時裝雜誌ELLE的主編中了風，全身癱瘓，只剩下左眼謹能活動，在別人的協助下，他以這隻左眼寫了一本書，為的是他清楚自己仍然有兩樣東西能夠逃離困著他的潛水鐘---記憶和幻想!
在這情況下還能有這樣的行動，實在積極，還能說什麼?

只是，在意外發生後，他回憶自己錯過了多少機會、有多少事還沒有實行......
但一切已不能回頭!

潛水鐘不謹是動彈不得的身軀，
它可以是逝去的年華、可以是個人的面子、可以是生活的擔子、也可以是個人的執著....

雖然未必能夠完全擺脫我的潛水鐘，但慶幸已找到可以逃離的部份。
願有一天能夠在深海徒手潛水，告別我的潛水鐘!

MY BLUEBERRY NIGHTS

看了王家偉的藍莓之夜!
沒有激情，也不是童話式的愛情，但看得舒服!
簡簡單單的愛情故事，不難發生在任何人身上，.只是.........
在現實生活中，要遇上一個不修篇幅但又像 JUDE LAW的，卻有一定難度!

  

http://www.wkw-myblueberrynights.com/

我在伊朗長大

12月13日首映

Persepolis 網頁  1, 2, 3, 4

我喜歡漫畫多於影片，始終片長所限，很多作者成長的細節要放棄，令到故事看來比漫畫沈重，但仍喜歡她在畫面上表達的手法。

色 ‧ 戒

看了 色 ‧ 戒

 .....................

無話可說，實在太好!

康城影展

在今屆康城影展中有兩個我很感興趣的名字 :潛水鐘內的蝴蝶 及 我在伊朗長大

我不懂電影，也不是電影節常客，但在若干年前，一次的電影節裡我意外地接觸了『潛水鐘內的蝴蝶』，當時它只是一套加送的紀錄短片(我購買的票是『拾荒者』)，但反而令我印象深刻。

紀錄短片是講述法國時裝雜誌ELLE的編輯，因一次意外引致全身癱瘓，說話也不能，只有一隻眼能活動，他就憑這隻 謹能活動的眼睛，說出當時的心聲，由友人協助下出了一本名為『潛水鐘內的蝴蝶』的書。我很深刻他的一句:『坐輪椅的人不知道你們有多幸運，因為你們可自行推著輪椅四處走動.......』

有時當自己或朋友遇到一點挫折時，這個故事、這句說話實在很受用，當然，GET到的自然能因而得到開解，固執的仍然以自我為中心，繼續活在不快中!

『我在伊朗長大』也是在兩年前首次接觸，原因簡單，我對這種漫畫很感興趣，簡單又有趣! 不要給書名嚇怕，以為和政治有關，其實是作者(MARJANE SATRAPI)自述成長經歷，籍此讓讀者明白到真正的伊朗並非如想像般狂熱主義、恐怖主義。全書共分四本，因為是漫畫，很容易明白，也成了我的收藏!

現在拍成動畫，令我興奮! 但還未知道香港是否會上畫?

我在伊朗長大(1):面紗		我在伊朗長大 (2):安息日		我在伊朗長大(3):捉迷藏		我在伊朗長大(4):回家

Persepolis 網頁  1, 2, 3, 4

珠光寶戲(Hors de prix)

http://www.horsdeprix-lefilm.com/

5月24日難得一天公眾假期，到戲院看了『珠光寶戲』，好一部輕鬆小品，原本是為了我的至愛之一AUDREY TAUTOU入場，但意外地電影令人看得舒服! 故事大綱不在此詳述，有興趣按此觀看吧!http://www.moviesuper.com/big5/movie_comingsoon.asp?hLight=ComingUp&hMovie_ID=IN-3942

不是所有電影也需要去研究一番，有時只是純粹娛樂，這一部也不例外，主題簡單，要愛情還是麵飽? 但當中有一幕令我感到蠻有意思，值得一提。 女主角在生日那天寂寞地走到無人的酒店酒吧，誤以為男主角也是客人，為了不掃興，男主角便繼續偽裝，還為她調製了一杯又一杯的COCKTAIL。女主角此時說了一句:『我最喜歡有專長的人!』......但之後當她發現男主角是一名酒保，卻十分失望!

有時候，當專長是在你工作以外，似乎特別吸引，特別令人欣賞；但有時候，當專長就是你的工作，似乎會是個障礙! 

愛情就是愛情，純真無比，相比起世上任何一樣事情來得簡單直接，只是人將'她'價值化，添上無比的煩惱!

 

 

竊聽者(The Lives Of Others)

(17 March 2007)，看了這齣電影，極佳! 尾段令我感動得淚水全都湧上來，這種結局比起一般荷里活式的來得精彩和內儉，觸動到內心深處，這才是真的的感動!

竊聽者(The Lives Of Others)

導演:科倫漢姬當娜絲瑪克(Florian Henckel von Donnersmarck)

主演:瑪天娜姬狄(Martina Gedeck), 烏列謬希(Ulrich Muhe), 史巴斯甸高治(Sebastian Koch),湯馬士費美(Thomas Thieme)

片種:劇情

上映日期:2007-02-01

 

香水-一個殺人者的故事

Thursday, February 08, 2007

昨晚終於看了『香水』這部電影，那麼遲才看是因為我喜歡先看原著，以免電影的選角形象影響了我的想像空間。 這是一部頗難拍攝的電影，在原著中很多細節可以利用文字去描述，特別是味道，而且主角Jean Baptiste Grenouille說話不多，亦沒有太多的對手戲，要將故事成為肉眼可見的畫面而又不沈悶，導演和男主角實在需要很大的功力! 導演Tom Tykwer已算是很忠於原著去拍攝，亦很接近文字中所描述的世界，始終電影片長的時間有限制，有部份情節很難詳細交代，但他也能做出『香水』的重點 ─ 一個殺人者的故事，而非一個有關殺人的故事，而且也令人有渴求追看下去。 主角Grenouille本身並非一個兇殘的人，他沒有生活，只有毫無意義的生存著，他只是一個對香味過份瘋狂追求的人，皆因這份香味能給他有戀愛的感覺，是他從未有過的。Ben Whishaw無論外形或演出均能將Grenouille活生生的出現在大家眼前 ─ 活在自我世界、不懂與人溝通、單純、執迷、恐懼、對天份的信心...... 我最為深刻的有兩幕:  Grenouille初次遇上紅髮少女的香味，當紅髮少女死了，Grenouille不停的去吸她的香味，企圖用手去將香味撈起去吸入，那種渴求和捨不得.......； 另一場是Grenouille在刑台上將絕世的香味散發出給群眾的一幕，拿著手帕摹仿著師父Baldini(Dustin Hoffman)的動作去揮動，那東施效颦的動作中所帶的自信......這正是作者筆下的Grenouille，Ben Whishaw真的演得很好!   http://www.perfumemovie.com/ http://perfume.cmcmovie.com/main.htm http://www.youtube.com/watch?v=-SiptRZwBy0&mode=related&search= http://www.youtube.com/watch?v=8SpMpgFIri8&mode=related&search=