今日星期六，好天氣，
去o左數碼港走走，之前都去過，
貪呢度人少，有海，仲有塊可以放狗o既大草地，好舒服!
可惜相機無電，下次再去先至影o下個環境比大家睇!
但要得到呢種寧靜之前，
係要付出o既......
話說我o係旺角貿易署上o左巴士，
大約兩個站後，有對男女上o左車，
女人一坐低就開始講o野，
我唔係唔比佢講，
而係佢真係好大聲，仲要坐正o係我後面，
佢講o野似乎係唔使換氣，一卵咀係o甘講，
男人除o左有三四次出過聲，
其他時間完全無任何反應
佢要出聲都係因為女人問佢問題，唔答唔得!
巴士繼續行，女人繼續講，
過o左一段時間
女人居然收o左聲!
原來.......
巴士到o左總站!
想像一下，
由旺角去數碼港o既車程，
至少......係至少都要45分鐘呀!
如果呢架唔係冷氣巴士，
我騐佢應該o係過隧道前o係窗落o左車!
沒有留言:
張貼留言