我的健力士世界紀錄

 

並非同你o地『講玩笑』
我，的的確確係一個健力士世界紀錄保持者!
對於好多人o黎講，呢件係值得炫耀嘅事
但對於我.............就係一件『瘀事』 !

..................件事係同呢個二胡有關

 

記得當時，被二胡老師『強硬鼓勵』下參與胡琴節開幕表演活動
綵排時先發現呢次活動係有差不多成千嘅『二胡人』參與
仲將會向健力士申請列為世界紀錄...........
『吓! 唔係丫o痳!? 咁老土 ! 』

最討厭香港成日都用呢招去創造紀錄，好無意義
一大班人同一時間去做同一件事，有幾值得列為世界紀錄喎?
相信香港係最多健力士世界紀錄保持者嘅城市
可能你求其搵個同事問下，佢都話係 !

但，我既然應承o左老師.....老土都會完成為止
我唔係一個無口齒嘅人 !

最後，我得到呢一張紙.........

上星期，清理舊物時見番佢
提醒左我呢個世界其實係可以好荒謬
竟然連我都有個世界紀錄 !