雖則話愛一個人係唔應該睇佢嘅外表去斷定一切，但無可否認，外表端好嘅人，機會總係比人多，所以大家都會用個人嘅方式去令自己好睇D。
每一晚，o係我屋企樓下，都會有唔少人跑步，但係就有一個個子不高嘅肥仔特別勤力，因為佢風雨不改，晚晚都跑，日子有功，無幾耐佢終於再唔係一個肥仔，而係一個 EX肥仔，當時我有一個感覺，佢一定有一個特別原因令佢咁勤力，但就無騐過係乜野原因~
今日2月14日，我居然o係新都會廣場見到佢，手上攞住一束花，見佢好緊張咁樣，好明顯係等緊一個新相識嘅人，於是，我好一廂情願咁將佢努力跑步嘅動力同呢件事一齊聯想......
無論點樣，我都覺得佢為自己努力過，做過野，值得讚下，希望佢得到應得嘅~
沒有留言:
張貼留言