瑞士非常突然之旅(第1篇)

之前我都提過，今次到瑞士係一個非常突然嘅旅程，無充分時間準備，亦只有短短七日，但往往o係呢種情況下，反而會令人特別開心!

各位團友，出發前大家開個茶會先啦 !

 

一提到瑞士，大家必會想起又靚又強勁嘅風景，有山又有湖泊，仲有大大片嘅草地，呢個國家一定好大......請大家睇睇呢張歐洲地圖先~

紅色箭咀所示嘅就係瑞士嘞! 係咪估唔到咁細呢? 四周圍仲比德國、奧地利、法國同意大利呢幾個大國包住，亦因為咁，令到呢個國家被阿爾卑斯山脈環抱，風景
自然強勁啦~  
另外，瑞士主要用三種語言，主要都係比鄰國影響，分別係德文、法文同意大利文，大家咁聰明，一定可以從地圖上估計到邊D區域係用邊種語言。

 

 

 

瑞士雖然細，又多山又多湖，但佢地嘅鐵路網絡做得非常之好，有d路線更專為觀景而開僻，所以遊瑞士最好就係坐火車，不過，大家千其唔好遲到，因為火車係非常非常之準時，可能飛機都仲會等你，但瑞士嘅火車就一定唔會!!

坐火車當然要買車票啦，要玩得方便，最好就係買張瑞士火車證(SWISS PASS)，如果多過一個人齊齊買，仲會有優惠，但必須要係全程同行，喂~ 唔好騐縮數呀下，因為張火車證已註明係優惠火車證(SWISS SAVER PASS)，火車上又會有人查票添(特別係大站)。
火車證可以o係火車站買到，但香港嘅學聯亦都有代購，不過要收手續費，隨大家喜歡!

 

 

 

瑞士差不多每個火車站都有屬於該個火車站嘅免費時間表 ，相裡面o個幾本就係嘞! 另外，如果想出發前有個預算，仲可以係呢個網頁http://www.sbb.ch/en/index.htm搵到時間表，有埋火車所停月台、轉車月台及時間等資料，好方便!
不過，每次上車前，都最好o係火車站嘅顯示屏double check一次月台號碼，就唔會上錯火車喇!

可以記住呢d字就更加好:  ab = departure     an = arrival     Gleis =  Platform

 

 

 

 

除左火車之外，o係瑞士有一樣o野都係好方便---------飲水!
恕我孤陋寡聞，因為我有好多地方仲未去過，但o係我嘅旅遊版圖裡面，什至o係老家香港，好多時o係街要飲啖水，都要比錢買，但o係瑞士，街上就有好多可以飲用嘅噴泉，會以唔同嘅形態出現，你亦可以用唔同嘅方法去飲喎~

可以咁樣、或者咁樣、什至咁樣

不過，唔係個個都可以飲架，你到時見到就好自然會知道邊d係飲得!

 

 

有左初步嘅認識，就可以 click入呢個官方網頁http://www.myswitzerland.com.hk/
去了解了解，之後就親身飛去感受下啦~  請大家扣好安全帶，起飛喇!