到步喇! 請各位起身落機!!!!!!!真係唔好意思，飛機o係途中遇到『氣流』，遲左到步!
今次我o地主要係去瑞士東部同東北部玩下嘅，大家千其唔好中途離隊，特別係之前落左order要手信嘅人仔，因為我會o係旅途中送晒比你地
落機後，我地仲要坐大約1.5小時嘅火車去一個名叫SARGANS(薩爾甘斯)嘅小鎮，呢個小鎮唔似 INTERLAKEN(茵特拉肯)咁靚、咁充滿度假氣氛，但就今次旅程黎講，呢度係一個好好嘅落腳點，可以節省時間，每日慢慢享受完個早餐先施施然出門都唔遲!
↓呢間就係入住嘅旅館嘞，同Sargans火車站相距只有3分鐘步程，好方便
由於航班晨早到步，而房間 CHECK IN 時間係下午三點，大家可以先放低行李
o係旅館，出去走走。不如先帶大家去隔離個『蚊形國』睇睇，之後食埋個 lunch，warm up下，好唔好呢?
o係SARGANS(薩爾甘斯)火車站有一種黃色嘅 POST BUS (郵政巴士)可以去到呢個 『蚊形國』，車程只需要大約35分鐘......................................巴士都十分之準時架，話咁快就到左佢嘅首都 VADUZ(華都茲) 嘞 ! 無錯，呢度就係全國人口只有三萬五千幾人嘅Liechtenstein(列支敦斯登) 嘞!
↓市區只係由兩條好短嘅街道組成，可以想像到呢個國家係幾咁蚊形
↑呢度唔需要過關，但都可以帶本護照到旅遊中心蓋個紀念印，不過要收費~
雖然，列支敦斯登國家足球隊有『魚腩部隊』嘅稱號，但請大家千其唔好睇小呢個『蚊形國』，因為佢係非常富裕，呢度出產嘅郵票係相當有名，更加係國家其中一大收入來源。
好~ 請大家一齊跟我去坐落於小山丘上嘅私人古堡，跟住下面個指示路牌上就可以........
↓行到呢度，不如停低欣賞下四周嘅風景先啦~
↓Hey~唔好忘記同馬路邊嘅小黃菊打個招呼喎!
到喇! 但因為古堡仍然係私人擁有，所以謝絕內進!
喂~呢位朋友，你做乜伸左個頭入去睇呀? 都話唔比入去咯~
呢度係好靚，不過係好濕碎至喎，你咁快就咁瘋癲，之後點算呀下?
好好天氣啊~ 不過有早餐食未呀~~ 仲有啊導遊姐姐~~~ 頭先我同D小黃菊打招呼佢唔采我！？ 係佢地招積？定係聽唔明我講咩呢？
回覆刪除[版主回覆05/05/2009 23:29:00]哇~呢位團友你都醒得好快喎，一叫你就醒! 個早餐o係機度食ma，你瞓過龍miss左囉~ 呢d小黃菊係聽德文架，再試!
你影的相好靚, 有理由懷疑係明信片黎嘅
回覆刪除[版主回覆05/06/2009 23:34:00]多謝你呀~ 個景靚嘅話，基本上佢→ ←同佢都好容易影得靚啦! 係咪~
呢個氣流都好厲害呀, 坐到我腰都痛la!! 唔知邊戶富貴人家住古堡咁正~ 我都想住下呀!
回覆刪除[版主回覆05/06/2009 23:39:00]有無dun親你呀? 古堡一直係侯爵嘅官邸，你睇下有無朋友嘅朋友識佢，可能有機會住下架!
Sorry 團長 我去 列支敦斯登 時標咗去買郵票
回覆刪除[版主回覆05/06/2009 23:45:00]唔緊要，我記得你係住o係 列支敦斯登 隔離嘅奧地利，係咪?welcome! 不過你遲到，郵票要充公!
瑞士的風景果然名不虛傳呀......真係好鬼死靚! 越睇越想快D book張機票去走一趟呀!
回覆刪除[版主回覆05/06/2009 23:49:00]真係無花假架! 去左一趟你就會想去多一趟...... 我幫你book左喇! 你入d $$去我戶口，我 e 張e-ticket比你丫~
等左咁耐您終於開始"放毒"啦... 嘩 ~仲勁過豬流感...
回覆刪除D相真係好靚啊.... 中晒毒啦... 有無解藥啊...
[版主回覆05/06/2009 23:55:00]製毒係要時間架ma~ 要解藥......《 將雲南白藥磨成幼細粉末，直接灑入左右眼珠 即可 》
今日幾好天氣，跟住團長你行左一round。嘻嘻~雖然氣流真係搞左好耐，但睇到怡人風景，真係happy happy ~煩惱無晒~
回覆刪除家陣仲好濕碎咋，睇黎前面有更好的介紹，等團長下次繼續帶路。
[版主回覆05/07/2009 00:00:00]好天氣真係多謝個天呀! 『氣流』又真係強左少少，要大家久候，真係唔好意思，我會盡力去令以後個旅程同大家玩得開心d架喇!
真係好鬼死鐘意瑞士，簡直係世外桃園。
回覆刪除[版主回覆05/07/2009 23:40:00]世外桃園.....繼續跟住有得去~
喜歡那路邊小黃花。
回覆刪除[版主回覆05/07/2009 23:44:00]我也很喜歡，但拍時我差不多要伏在地上
哈哈......你咁似個D祈福黨0既!
回覆刪除[版主回覆05/07/2009 23:46:00]放心啦~我係黨裡面最老實架
瑞士真係好鬼乾淨..d路呢.....望落去都覺一塵不染..
回覆刪除睇相片已經感受到瑞士的空氣有幾清新!
大力索一下先.......
[版主回覆05/07/2009 23:47:00]哈~ 索多幾下啦! 唔使客氣!
午安﹗7e，我來眼睛跟妳遊瑞士囉﹗
回覆刪除[版主回覆05/07/2009 23:49:00]多謝你接受邀請呀
犀利呀!!! 7e!!! 真係好靚..............一起步就已經咁......跟你去哂成個旅行團咪暈得一陣陣........
回覆刪除路邊小野菊真係好掂!! 咁都俾你留意到........
但仲未有我既雪山雪糕既??
[版主回覆05/08/2009 00:07:00]犀利呢~阿拜神仔你而家終於明白7日實在係太短啦 ma! 雖然我未有拍攝技術，但勝在觀察力強 哈~ 你嘅 mountain cream 第( )篇會有架喇，繼續等下啦你
呢個國家仔原來咁靚架喎！我以前都無諗過去添。
回覆刪除[版主回覆05/09/2009 00:32:00]如果唔係行山，一陣就行完喇~ 無去到都無損失架!
梗係富裕啦，給個印都要成兩蚊歐元，成廿幾蚊架喎
回覆刪除不過風景又真係好靚，仲唔係幾見人影添
[版主回覆05/10/2009 00:15:00]蓋個印可以o係香港食個早餐添呀~ 好折墜呀 真係少人少到瞓o係地都無人理我!
天氣好，又有藍天，這次真是天公做美。
回覆刪除[版主回覆05/11/2009 23:04:00]哈~出發前我check天氣，都係天陰陰，騐住都係唔下雨都當好彩，點知上天都待我不薄，thanks GOD!
謝謝你的資料, 但我搵唔到英文版~~ 請問有冇英文架???
回覆刪除[版主回覆08/25/2011 23:40:00]你click左入條link之後，click藍色Online 個box，跟住會彈出另一個版面，你o係左上角click支英國旗就o.k.喇，自然o係番同一版見搵呢間> Hotel Zum Ritterhof, CH-7320 Sargans，可以有available rate 比你check到，不過我係直接用e-mail同佢地聯絡，有咩問都好好多
唔好意思, 又係我呀~~ 想問問你意見, 如果ST. MORITZ & ZERMATT 二選一, 你建議去邊度好呢??? ST. MORITZ 其實只想睇紅色果條橋, 而ZERMATT就睇馬特洪峰~~ ths!!
回覆刪除[版主回覆09/14/2011 22:42:00]唔好意思...而家先覆你! 其實我覺得瑞士d靚景邊個都靚架，不過前者我暫時未去過，Zermatt 我就有去，因為馬特洪峯係我其中一個想親眼去睇嘅地方...無失望呢~~ 就去呢度啦!!!! 去得瑞士都係想感受天然環境嘅美麗ma...