瑞士非常突然之旅(第3篇)

問下你地，瑞士嘅首都係邊個城市呢?
蘇黎世 !!  日內瓦 !! 琉森 !!

錯呀~ 錯晒呀!

o依~你啱左喎，無錯 !就係伯恩(BERN)嘞 !!

以上所有城市，o係今次個旅程我地一個都唔會去，純粹想問下大家咁啫！
呀～到站喇！由 Sargans(薩爾甘斯)過黎只係需要8分鐘，
各位團友，呢度就係 Maienfeld(馬恩菲特)喇！

 

Maienfeld(馬恩菲特）就係當年

婆婆偷萄事件嘅案發地點，
今次我想同你地去探位老人家，就係凱廸嘅爺爺嘞！
香港大多數人接觸到有關凱廸（Heidi)嘅故事係由日本卡通開始，
但大家要搞清楚，作者唔係日本嘅宮崎駿，而係瑞士嘅 Johanna Spyri！
唔好傻下傻下喇！
不過宮崎駿所畫嘅凱廸又真係十分十分之可愛嘅～

（p.s. wing想要飄零燕嘅紀念品我就無拍低喇，不如將實景送比你啦!)

 

　　

 

由火車到達Maienfeld(馬恩菲特)開始，大家已經踏上Heidi Path(海廸之路)！
Heidi Path(海廸之路)分左紅色同藍色兩條路徑，而後者因為較多山路，
所以用嘅時間同體力都比較多，但能夠帶大家上去，流多少少汗都無問題啦！

先同你地行紅色嘅Heidi Path(海廸之路)！

 

基本上呢一張 ↑ 所謂嘅地圖係完全無用，
大家只要o係路上留意住印有 Heidiweg 嘅紅色箭咀指示就可以！

但實際上呢一種 ↓ 印有 Heidiweg 嘅紅色箭咀亦都係雜亂無章，
所以大家唯有自己執生，好瀟灑咁行就可以！

 

不過，每次出門我都好幸運，都會有好心人主動為我解決疑團，
正當我處於呢個人影都無個嘅「行山交差點」嘅時候，
唔知邊度忽然行左位女士過黎，
用佢有限嘅英語話呢度同o個度都可以上去，
只不過有一條係快Ｄ，即係捷徑！
所以，阿甲同阿乙有部份行嘅路、見到嘅野係可以唔同，
但終站就一定係同一點！

大家準備好啦 ma!?
咁行囉！

先要經過山下嘅小小鎮

 

 

慢慢你會開始見到想見同無想過會見到嘅野！
好似．．．

阿爾卑斯山脈

 

 

阿爾卑斯貓

 

 

阿爾卑斯笑 + 二笑

 

 

呢度仲有唔少大大細細嘅葡萄田，
唔該等等～
我呢Ｄ城市大鄉里見到咁嘅景色，梗要影張相留個回憶啦！

 

 

Welcome!
開始上山喇 !
有『咩』等緊你地呀～

 

右邊呢隻『咩』係特別好反應，佢對鏡頭亦非常敏感！

 

你地睇下佢，一直望實個鏡頭唔郁，行去邊個位都望實我，
呢隻『啤咩』真係好好好得意，好想行過去抱抱佢，
但為左唔好嚇親佢，都係唔好喇！
(p.s.呢張『啤咩』送比要飄零燕嘅 ElkyWallace，夠『飄』 ma??)

 

究竟『啤咩』有幾好反應？你地坐埋一邊先，等我表演比大家睇！
呢張絕對唔係設計圖片，係真架！
我同ｄ『咩』打個招呼『咩hea~』咁啦，
就只有『啤咩』有反應『咩hea~』返我！
『咩hea~』佢幾多次都係咁，真係有『家教』

 

再上再上...

呢個位置可以話係Heidi Path(海廸之路)紅色路徑 嘅終點，亦係藍色路徑嘅起點~
旁邊有一間紀念品小店，除左紀念品外，仲有一d飼料出售，買黎做乜?

 

 

咪就係用黎餵佢同佢嘅朋友囉~

 

 

不過我比草佢食一樣咁受落，只係有點兒那個，
我摘過兩種草: 一種係直身，另一種有d似含羞草，
佢只係會食前者，其他嘅佢會擰開個頭!

 

 

不如就o係度休息一陣，再繼續上山丫!