瑞士非常突然之旅(第5篇)

各位!! 尋晚瞓得好唔好呀???
點都好，今日我帶你地去一個『世外桃源』醒下!!!!!!

呢個號稱『世外桃源』嘅地方，
係深藏o係山谷裡面，同喧囂嘅城市隔絕，
四周被高近3000米嘅高山包圍住，仲有10個山中湖添~
交通就只有一條鐵路同埋一條絕險嘅公路與 Chur(庫爾)呢個城市相連，
所以無論你o係瑞士任何一角，
都一定要先到Chur(庫爾)至可以去到架，
如果你跳傘空降就另計!

好喇 ! 講住咁多先~
1 2 3 4 5.......11 12.....齊人! 上火車!!

 

先由我地嘅落腳地Sargans(薩爾甘斯)坐大約30分鐘火車去 Chur(庫爾)，
再o係Chur(庫爾)轉多次專用列車去呢個『世外桃源』，大約一個鐘就到嘞~

 

到喇!  一落火車你地就會先見到個湖......
：
：
：
：
：
：
：
呀! 點解咁架?????結左冰嘅!!!!!!
我騐住同你地黎『泛舟』個喎!!! 4月都仲未溶晒雪??真係丫!
 不過見妳靚得咁過份，算~ 原諒妳啦 !

 

 

哈~ 唔好意思，好似仲未講...你地企緊o係邊度喎可~
呢度就係 Arosa(阿羅莎)喇 !

 

 

大家跟我黎，帶你地周圍行下......

 

 

呢度有巴士上山，如果途中見到有地方想逗留一下，
大家可以o係中途站上落，因為巴士班次都好密下...
呢度唔錯，落車行行囉!

 

如果唔識滑雪但又想玩下，可以試下↑呢條平坦d 嘅雪道，
行都得架，不過有d地方好厚雪，雖然唔會將你埋左，但一差錯腳.........哎呀~
 唔該幫幫我，拉番我隻右腳上黎丫!↓

 

阿wow你咁瘦嘅? 搵到路返屋企未呀?

 

 

A~ 你地坐o係呢度有乜感覺呀?
我o係度望番出去，感覺就好似睇睇下戲走左入個銀幕裡面一樣，
好超現實......

 

 

你、仲有你呀! 你地兩個跟我過黎，有野送比你地!

 

係你呀! 楊二蚊~
呢個仙境合唔合格呢? 山上面可能有精靈住左o係度架!
送左比你就好好地打理喇~
唔該先剷左前面o個堆雪先!

 

 

仲有你，拜神仔!
雪山雪糕就溶左嘞，送個雪山阿笑比你補數，
佢仲好味過雪山雪糕架， 雪左7日架喇，咬啖啦!
好好收起呢張『笑‧雪‧相』囉喎~

 

 

到左巴士山上嘅終站喇，不如o係度 lunch 先，之後再四圍睇睇~

 

 

 

 

呢度又好靚呀!!o依~ 發現呢度有條路喎，不如行入去 lor...

 

哇~ 裡面原來好大咁喎.....

 

呢度仲有d好冰凍嘅河水由山上流落黎添，
唔知點解...我成日都覺得會有精靈o係樹叢入面.......

 

 

精靈就無嘞，壽星人就有一個，
喂~老老實實，
5月由勞動節開始，我生日結尾，531記得喇!!!!!
大家跟左我去玩咁多日，都熟架啦...可!
仲唔快d逐個排隊過黎進貢一下~
由矮至高，你先.....