我呢排真係好攰，攰嘅程度係一早起身就開始眼瞓，直至到夜晚再上床！
今朝，當我仍然係好眼瞓咁擦緊牙嘅時候，聽到個廁所水缸傳出一D好唔尋常嘅聲音，於是走去揭開個蓋睇下，點知~! 成個蓋 45 度咁左滑落去..........嘭> > >
我，晨早流流 "棟"爆左個水缸!!!!!!
從來無試過咁不知所措，過左幾秒....先識反應，立即關左個水制，之後就只有眼白白咁望住D水，好澎湃咁流緊出黎，唔知我究竟係乜野構造，因為，當時我除左好混亂之外，我仲o係度騐....會唔會有個細路仔流埋出黎，呢個狀況，令我覺得自己好似"司馬光" (唔明嘅clikc入去呢度瞭解下) !
唉! 各位有幸黎過我屋企，用過呢個廁所嘅人，請你地向呢張遺照行三鞠躬禮，亦都歡迎做帛金比佢，等佢輪迴得快D!
鞠返個躬先，請7e節哀。
回覆刪除本人早前亦有類似經歷，不同是厠缸係慢慢裂開，冇你個咁火爆；後來換了個在潔具店中近乎最平的一個（好似有個EXQ之類嘅標貼），我從來未遇過一個抽水馬桶係永遠沖唔走全部髒物的，必然最少要沖兩次，十分神奇。
[版主回覆10/01/2009 23:21:00]有心有心... 我呢個真係又平又好合心水，搵左好耐架，不過都係好睇唔係特別好使....下下都要沖 次，咁你不如食得清淡d，睇下會唔會容易分解 D，咁咪一次清囉
hahaha......有個細路................ 笑死我!
回覆刪除[版主回覆10/01/2009 23:22:00] 我都好想知點解我仲有心情騐埋D咁嘅野~
唔通係我們那天來你家的其中一個人,坐爆缸.
回覆刪除[版主回覆10/01/2009 23:25:00]阿WING，你好似知道D野咁喎 ，快D同我Check下邊個嘅"下盤"最穩陣!!?
唔通個馬桶係次貨
回覆刪除[版主回覆10/01/2009 23:27:00]唔會卦!
雖然我同個廁所唔係咁熟....但我都會祝福佢....你都要節哀順變.....
回覆刪除[版主回覆10/01/2009 23:29:00]佢會帶住你嘅祝福投胎架喇!
(Empty)
回覆刪除[版主回覆10/01/2009 23:29:00](Empty)
睇完呢篇訃聞，本人深感遺憾同婉惜 。 7e節哀 R.I.P.
回覆刪除[版主回覆10/01/2009 23:31:00]小Nel，不如你DHL個Made in Italy 嘅過我啦，應該會好d嘅~
請7e節哀! 我地也有類似經歷，老公在家, 原本要成個換，
回覆刪除去舖頭搵個平d時, 老板送左人地換出來的舊蓋！
[版主回覆10/01/2009 23:32:00]咁都得!? 雖然唔係用黎坐，但硬係唔知點咁!
睇你既茅次就知你間屋好有style....7e good taste 呀 !!
回覆刪除[版主回覆10/01/2009 23:36:00]多謝你讚賞呀!!! 我真係好用心咁佈置間屋架~
節哀順變吧! 水為財, 你爆到一地都係, 仲唔快d去買六合彩!
回覆刪除[版主回覆10/01/2009 23:39:00]嗚嗚嗚~ 但係咸水黎架喎，唔知係咪都得嘅呢? 等我試下先!
嚇死我... 睇你個blog題仲以為你流血添! 呢個馬桶係咪老化0乍!
回覆刪除[版主回覆10/01/2009 23:41:00]唔使驚，我無事，破下財咁啫 老化?! 我用左一年多d 咋，我騐係我老化就真!
想撇佢啫, 駛唔駛咁激打到佢爆缸呀?
回覆刪除馬桶呀馬桶, 你再投胎千祈唔好再揾7e呀, 佢可能要你再死多次嫁.......
[版主回覆10/03/2009 00:17:00]咩喎~ 我好愛錫佢架，不知幾心痛呀 你唔使離間我地嘞，無用架，佢"臨終"前向我咆哮左一聲話：『7e~ 下世再見喇.....」
家姐~ 妳又真係棟爆得佢…同妳嘅思想一樣… 都幾神化喎… 仲司馬光都出埋… 不過我好欣賞妳呢個形容詞： " 一早起身就開始眼瞓 " … 有同感~
回覆刪除[版主回覆10/03/2009 00:21:00]勁呢~ 講真，事後騐番都覺得自己好神化，都想知我係個乜人? 你又係好攰咩? 呢排真係好多人好攰咁，都唔知點解?
講得話神奇，又點會咁簡單，佢係大小不分都唔淨呀。
回覆刪除[版主回覆10/03/2009 00:22:00]你呵下佢可能會乖架喇~
亞 7e,o 都話要好好讀書 o 架啦啦 ! 你果個極奇量係 ” 屎 ” 馬 ” 缸 ”, 一定唔會 ” 司馬光 " 不過我都 dun 你慘 ! 一個 屎 缸大大話話 ; 都要 1 千幾百 , 我有個鞋盒 , 你有冇興趣 ………?
回覆刪除[版主回覆10/03/2009 00:28:00]你屋企有4分之3嘅人用過佢.....先鞠9個躬先! 你個鞋盒應該比d "更有需要" 嘅『浙江人』，使唔使我幫你問下佢呀?
傷得好重喎果然
回覆刪除[版主回覆10/03/2009 00:30:00]係呀，穿左個大窿呀，真係好心痛呀
呢個啱唔啱你士帶路呀?
回覆刪除[版主回覆10/03/2009 00:33:00]哇~ 多謝你呀! 呢個都好特別，不過我喜愛唔多起角嘅野，雖然sharp左d，但見你咁好人，搵黎送比我，好!收左佢啦!
噢!!!咁都爆到缸?勁呀你!!!
回覆刪除祝你快D搵番個新歡啦!!
[版主回覆10/03/2009 00:38:00]我騐我真係太攰先搞成咁喇~ 真係好爆呀! 就算係新歡我都會搵番個有佢嘅影子，好長情架我!
7e搞掂個廁所未 搞掂就黎食個大月餅先啦
回覆刪除[版主回覆10/04/2009 23:38:00]買左個新架喇，不過未搵人安裝，都係食左月餅先算啦~ 多謝你呢幾個大月餅呀
咁爆缸第一次見.
回覆刪除[版主回覆10/05/2009 23:31:00]咁你好彩嘞，有我表演比你睇到~
我雖然無去過你屋企，又無用過呢個廁所，但我都會向呢張遺照行三鞠躬禮，亦想做帛金比佢，唔知帛金佢鐘意〝大〞定〝小〞呢？
回覆刪除[版主回覆10/05/2009 23:38:00]e~ 你D好似係 "care 金" 黎架喎 ，有心得嘞，佢而家呢個狀態，受唔起呀!
係咪平時用lee個去得吾暢通,搵籍口換個新咋....hahaha
回覆刪除[版主回覆10/06/2009 22:50:00]有關架咩? 我換左個新嘅再話你知o下
來賓有心，家屬謝禮～～大家小心，小心！^0^
回覆刪除[版主回覆10/06/2009 22:51:00]來賓你都有心，請放低帛金!
爆缸呢家0野, 一0既一生都未必有機會遇到wor, 真係要好好紀念一下...再鞠躬
回覆刪除[版主回覆10/06/2009 22:53:00]真係好彩喇~ 所以咪幫佢影番張遺照囉
嘩嘩嘩!
回覆刪除有冇dump親自己呀??
要小心喔…
這張照片看上去蠻像酒店的…
<<為那廁所送上鮮花…
[版主回覆10/07/2009 22:54:00]不幸中之大幸，無事，多謝關心呀 似酒店....咁其實係好定唔好呢!?
你個屎坑又幾靚喎, 簡約得黎好有名貴feel
回覆刪除[版主回覆10/07/2009 23:52:00]無辦法，因為揀o個個人實在太有氣質 ，楝乜都有feel過人...
從來冇諗過廁所咁咁爛法
回覆刪除[版主回覆10/10/2009 01:06:00]你想唔想試下呀? 我可以教下你，o個一下真係好爽架!!
咁都得, 妳之前對佢做過啲乜呀... wakakakakka
回覆刪除[版主回覆10/10/2009 01:08:00]我剩係坐過o係佢大脾度咋
你個廁所地板係木造架......整濕左咪好大鑊.......
回覆刪除[版主回覆10/19/2009 13:26:00]似呢~ 係扮木嘅磚黎架! 係咪好靚呢!