噢! 好懶...好耐無打blog ，我係想打但好懶，呢一個月我有好多野想抒發，但就係懶 
1月1日，今年嘅第一步行左去一個叫馬屎州嘅地質公園，過左開心嘅一日~~~
開始畫我第二張油畫，老師話希望可以趕及2月中完成，因為佢book左中心一個小小嘅展覽室，展出學生作品，如果趕唔到，都可以放第一張功課展出，哇!!! 雖然唔係d咩野展覽，但我都好開心 ~~~
返工做野時唔小心撞到個頭，仲爆左少少缸，起埋"樓"，仲要係兩橦，仍然有痛但康復中； 前幾日又係返工時無啦啦好暈，仲嘔左少少，感覺係血氣唔夠，終於返左屋企狂瞓! 新年開始又見紅又頭暈，"紅暈當頭"呀! 好喎~~~~
上個星期聽到路邊社消息，阿某某話另一個某某咁講：『政府不斷叫人打H1N1疫苗，其實係打D晶片入市民體內...』我聽完呢個陰謀論之後，我只係好想幫另一個某某打番支鎮靜劑~~
早前因為打H1N1疫苗而出現問題嘅原來係郭醫生，佢係當年我爸爸嘅救命醫生，媽媽近年身體嘅問題都係由佢跟進，佢真係一個有心嘅好醫生黎，希望佢無事~~
o個位"另一個某某"知道左郭醫生嘅事之後，同我媽媽講：『....因為佢無信神......』唔只我媽媽，我知道之後真係火起，佢連郭醫生係點嘅樣都唔知，又點知佢有無信神呢o下??? 有時唔需要一定問候，但都唔好咁樣丫!!!! 係人無呀?
又係上星期..我睇左一個叫『黐膠花園』嘅舞台演出，意外地唔錯喎，遲D開篇POST再同你地作個簡單分享~~
報告完畢!
7e估唔到你識畫油畫喎~~勁呀~我星期5先打完豬流感針 , 無不良反應 , 我相信是每個人身體狀況吧~我都無信神架 ,
回覆刪除[版主回覆01/18/2010 13:59:00]我初學架咋，啱啱先上完第一個round(8堂)，唔勁架，接觸下咋! 你傻嘅，信佢嗡，如果有神，我相信神都唔會亂黎啦!
多謝你詳盡得來又夠精簡o既報告呀!! 記得我地約好今年一齊要保重身體, 要健康生活呀!! 快d瞓多d休息夠食多d有營養o既野, 知冇!!
回覆刪除[版主回覆01/20/2010 09:19:00]唔使多謝~ 知道! 我梗係記得啦, 我最想就係瞓多d, 夠瞓就一定乜都會好, 你都係呀!
又真係好耐冇見你寫blog喎.....仲以為你又去左旅行添! 咁你個橦樓起好晒未呀.....
回覆刪除[版主回覆01/20/2010 09:22:00]係呀~ 真係因為懶同好驚望得太多電腦個眼圈會愈來愈黑呀, 我已經夠黑架啦 , 去旅行我就一定話聲過大家知嘅, 至於個2橦樓平番少少但仲係痛緊 thanksss~~
感覺係血氣唔夠=====>駛唔駛食返D白鳳丸丫七e
回覆刪除[版主回覆01/20/2010 09:29:00]『根據本草綱目, 血氣不足可採用自然療法之一 ----將人倒吊,效果相當理想』我每日都做一次, 唔駛食返D白鳳丸喇
家姐~ 撞親個頭小心啲喎~ 唔好要我擔心妳啊
回覆刪除[版主回覆01/20/2010 09:32:00]乖喇~唔使擔心我架, 我個頭細個時都成日撞架(不過係被動嘅 ),好硬淨架!!!
7e有油畫展出..勁!
回覆刪除[版主回覆01/20/2010 09:36:00]我只係第一張功課練習黎架咋, 非常非常非常幼嫩, 無咩特別,但都多謝你比個"勁"我
油畫展？何時何地呀？等我哋去參觀吓好喎！
回覆刪除[版主回覆01/20/2010 09:37:00]下個月, 放心, 我一定會post出黎, 幫下手行下都好,等我開心下ma~
其實呢個月我都好多事發生, 不過就係懶寫BLOG
回覆刪除[版主回覆01/20/2010 09:43:00]ha~你都係, 其實仲有d blog友都係, 唔知係咪中左yahoo咩毒...搞到謝晒
咁你想我哋去支持你就記得post出嚟啦！哈~
回覆刪除[版主回覆01/23/2010 09:38:00]一定