『克羅地亞 X 黑山共和國 』文化遺產之旅(2)

航班即將降落慕尼黑機場，請扣好安全帶!

 

慕尼黑?
唔係去克羅地亞咩?

各位團友唔使驚喎~
因為香港係無直航機去克羅地亞，所以要轉機啫!

就係轉呢架有兩把大風扇嘅小飛機
佢將會帶大家去到
克羅地亞嘅首都 Zagreb (薩格勒布)

 

話咁快就到喇!
不過，我地今次唔會o係首都停留，所以請大家快d上機場巴士，
因為我地要去市中心巴士總站搭大巴直接去『十六湖國家公園』，
就係呢架大巴嘞，睇清楚前面有個牌寫左兩邊嘅目的地...
見唔到有十六湖嘅名(Plivica Jezera)???
梗係啦! 佢係中途站黎架ma!

開車!
大約2個半小時車程到啦~

 

 

趁呢段時間同大家講少少野....
十六湖有2個入口，
分別係下游嘅1號入口同埋上游嘅2號入口，
而我地呢2晚就住o係1號入口附近RASTOVACA區嘅民宿...
但邊位都係想住 hotel 嘅話，
就請o係上游嘅2號入口落車，
o個度有3間酒店，不過當然貴唔少啦，又少左風味!
最重要嘅係...
由你入住左o個一刻起...
我就唔會再理你，
你自己玩..自己食..自己搵車搭....

;;;;;;;;;;;;;;;;

RASTOVACA有落呀! 唔該!

 

 

 

 

見到呢個牌行入去就有好多可以住嘅民宿

 

 

行少少路就到架喇~

 

 

我就係幫大家book左16號呢間嘞....
哇! 有個咁型嘅稻草人o係度嘅~~~~
屋主真有品味~

 

今次嘅旅程，希望大家係好悠閒咁玩下，唔好太趕，

所以，你地今日慢慢休息夠，
聽朝8:30先起身，慢慢嘆埋個早餐都唔遲...
跟住帶大家去十六湖慢慢行