『克羅地亞 X 黑山共和國 』文化遺產之旅(5)

得未??
食完早餐未?
行得未?

好!跟我行...
去碼頭搭遊艇仔去Krka National Park(克爾卡國家公園) 嘅 Skradinski Buk
廿幾分鐘到架嘞~

Krka National Park(克爾卡國家公園)  都係文化遺產
不過就好後期先被列入

請大家睇清楚呢個遊艇仔往返時間表
唔係錯過左.......都唔使驚嘅
因為呢個公園有3個入口分別係唔同嘅地方
↓
一個係坐車黎Skaradin之前停過嘅，不過通常係比旅行團大巴停車落客;
另一個就係比d自己有砵砵車去嘅，可能有車位掛，我都唔清楚
而我地Skradin呢一個就係最近最近去Skradinski Buk嘅一個入口...

不過你要o係其他2個入口走再坐車返黎都好煩氣!
最後搞到要o係對面湖浮到番過黎...我地都走左唔等你 lu
快d影低佢先啦!

 

佢雖然無十六湖咁出名
但o係當地人眼中都同樣好有地位架
十六湖有嘅係靚湖
而 克爾卡 就有十六湖無嘅強勁瀑布地勢

到喇... 

哇!!!!!!!

哇!
d水流去邊架?

記唔記得我尋日同你地講過...
去小小小鎮 Skradin 都要住2晚嘅原因呢?
『醉翁之意不在酒，在乎山水之間也』

我帶大家黎呢度
主要係做一樣o係十六湖禁止嘅事.......
))))))))除衫(((((((

 

跳落去啦，唔好你眼望我眼喇!!!

上游嘅水就係一路流落黎呢度架嘞!

 

 

我去呢邊玩喇!

 

好........好. ..好凍

唔敢落水嘅就可以去行下山
呢度都有唔同時間長短嘅行山路徑提議比大家嘅
不過一場黎度，o係十六湖都行到夠啦
浸下都好吖!

嗱!跟我團就最好嘅
今日任玩幾耐
你地識得去番碼頭搭遊艇仔返去旅館架啦~
enjoy~
總之聽朝10:30am o係巴士站集合
我會帶各位鄉里出大城