『克羅地亞 X 黑山共和國 』文化遺產之旅(6)

坐左成5個鐘頭車
由 Skradine 黎到 克羅地亞第二大城市斯普利特(Split) 
想問候下大家個 pat pat ...安好o痳?

o係呢度我為大家準備左一間非常有風味嘅民宿
佢係o係另一個世界文化遺產『戴奧克里齊安皇宮』(Diocletian Palace)裡面

唔好意思 , 民宿覆e-mail 時又係無詳細地圖
我地只可以跟佢比我嘅指引去搵
大家比少少耐性喎

3 ......4.....5號呢?? 無左嘅~?
等我睇番張e-mail先....係呢度喎...但點解係餐廳黎嘅??
哎呀~~~
差d唔記得添 .....

"屋主叫我地由皇宮西面嘅入口入去...右邊有間叫 Poseidon 嘅餐廳，
到左就搵餐廳其中一個侍應哥哥，哥哥係屋主個朋友黎嘅，
佢會幫我地打電話比屋主，
屋主會o係幾分鐘內到....."

 " 貢經典!!!"

個拱門就係西邊入口鐵門
皇宮分金銀銅鐵門四個入口~
我地間屋仔就係打開左嘅綠色窗位置

"呢位背住嘅就係屋主個 friend 嘞!"
佢好忙架，而定先有時間企定定咋!

 

 

等我上去check下先......

條木樓梯好似..."林林地"
一路仲有d無人收嘅信....散o係梯級...
唔通我地個單位係呢棟樓唯一住客?
驚驚地

wow! 都唔錯喎~
仲keep住有風味嘅石牆
以前皇宮時代，唔知住左d咩人呢?

 

仲要有冷氣機!!! 簡直恩賜!!!!

 

hey~~
大家快d搬埋d行李上黎
跟住出去行下

現在嘅『戴奧克里齊安皇宮』當然只係有名無實啦
而呢個咁長嘅名...其實係屬於當時羅馬嘅軍人皇帝戴奧克里齊
佢出生貧微，所以想o係遜位之前
o係出生地即係而家你地企緊o係度嘅斯普利特(Split)
打造一個宮殿作為退位後居所
之後經過變遷、戰亂...
有唔少難民走到呢度避難
住住下就變成左而家呢個樣...

皇宮中庭嘅廣場雖然唔大
但係度坐下又非常寫意喎
聽晚同你地黎o係度 hea 下啦

 

裡面地下廳已經變成地下商場
雖然話係地下
但當行到去另一端嘅出入口時
其實係同港口平行!

 

咁快又黃昏.....大家休息下
明天請早!
繼續四周行下