『克羅地亞 X 黑山共和國 』文化遺產之旅(7)

早呀!

今日我地就o係Split呢個皇宮再睇睇! 好唔好呀???

行行行行....

喔!! 呢d小巷又有d 巴塞隆拿舊城區嘅味道....
不過就無咁八陣圖
大家見唔見到掛左d布o係度?
o個舊切開左嘅食物就係呢度特產無花果
美食節?
你地等等我...去睇睇先...

返黎喇
根據我睇唔明嘅估計....再去info攞過d單張
原來係d藝術節之纇

哇! 呢d 呢個...o個個...我好想睇喎

 

 

 

 

人地擺晒pose影相..做咩走埋黎搞搞陣!!?
阿...阿..邊個邊個快d幫我同肥哥影張相先
好熱呀佢....快d吖唔該!!

 

 

 

 

 

呢幅牆噴左d字喎...我好想知道係咩意思呀，有無團友知道點解?
意大利小nel：『我知我知! 我問過公司既克羅地亞同事啦！佢見到笑咗好耐...........意思係 We're few but shit! 佢話真係有好多人咁話自己嫁喎！』
唔該晒為我地番譯呀!

行到黎金門嘞，各位出左個門口先...直行過黎呢邊啦，
介紹一下呢位高大又有台型嘅人兄係邊位?
就係主教Grgur Ninski(寧斯基)，
佢之所以有幸企o係呢個位置，
皆因當年勇於向羅馬教廷挑戰，
爭取以本土嘅斯拉夫語及文字進行彌撒，
唔再用指定嘅他國語言拉丁語...
o係克羅地亞王國建立嘅階段，
佢呢種舉動為呢個國家奠定左地位，
所以都成為唔少克羅地亞人嘅英雄!

"金手指" 令大家好討厭，
但主教隻 "金腳指" 就好受歡迎，
係人經過都會摸下佢，
帶比大家好運!

"摸人地隻腳指咁污糟! 我唔摸"
咁呢位團友你放心，
主教o係1929年開始企o係度，
之後就無行過.....佢對腳係非常之乾淨架

大家跟我返番入皇宮範圍先...
行去中庭位置....呢~我之前同大家講o個個好好hea嘅位呢~
就係呢度嘞!
呢個教堂係皇帝戴奧克里齊安嘅長眠之所....
不過之後個石棺連同遺體都已經移走左，
將呢座陵寢改建為教堂，

 

 

 

噢!
行行下唔覺都咁夜咯....
同大家去食個晚餐先，
跟住就自由活動!!

 

 

鍾意行下嘅...可以穿過皇宮嘅地下廳由銅門出去，
沿海岸散步...

想 hea 下，聽下歌，飲下野嘅....
就同我一齊，
我帶你去中庭個 hea位 "威" !

 

喂喂喂~
呢杯我架!
阿團友..你自己叫過一杯啦!