『克羅地亞 X 黑山共和國 』文化遺產之旅(8)

哎呀~
我飲多左..."恰"著左喎

要大家o係Split到hea左咁耐
真係講你地都唔會信....我係有d過意唔去...
high tea 我嘅
趁熱....一人一杯...o下~

好嘞 , 順便同大家上下堂先....
『HVAR』
睇睇上面呢個字

點讀呢? 讀得出有獎 !
...............

...............

...............

我記得點發音架 ~
讀唔出雖然無獎，但都有得去呢個小島嘅~
要去HVAR就一定要經水路，有兩種船可以到
一種係汽車郵輪，大大隻o個 d 呢....
另一種係我身後呢類只可以坐人嘅快艇...
分別除左大細之外，就係船程長短都有分別...
因為時間關係...我已經o係網上download左船期，
但以我咁『專業』嘅華籍領隊

一定會去到再攞多張時間表問多次時間嘅...

 

11:30 am 開船喇 ~

請上船~
呢位，
你唔好亂上船啦，呢度有好多個碼頭架
跟住我o麻
唔係你自己要用第3個途徑經水路去架喇.....

 

一個鐘都唔使就到左

好多好惡嘅遊艇喎!

HVAR 島有兩個落船位，分別o係島嘅兩端
一個叫做HVAR，另一個叫STARI GRAD
我地而家就o係前面o個個落船...
點下人先...
1,2,3,4,5,6,7,8,(    ) 10.咦!? 9呢???
梗係上錯船去左STARI GRAD落啦!
唔好意思，大家等我一陣先...

『....喂~~ 9, 你係咪係o個邊呀?.........真係比你激死!
.......唔怕喇，兩邊有巴士連接嘅，坐25-30分鐘到啦，不過d車就未必好密，
你黎到再call我....bye bye!』

 

大家唔好理佢嘞，睇佢都等到我地走都未過到黎...我地繼續繼續...

克羅地亞o係夏季已經係夠晒熱，
而 HVAR 島就熱中熱....因為佢係成個國家日照最長嘅地方
但o係咁嘅地方熱到飛起又非常之寫意...
一黎到即刻想起一位之前黎過嘅人>>>Iris，
今日星期六喎....send個sms比佢回憶下先....

 

 

唔知係咪好彩，o係呢個旺季黎講.....遊人比我想像中少喎
但又唔知係咪唔好彩，我地睇唔到佢地嘅狂野嘅薰衣草田....
我去過旅遊中心問過o個位小姐，
答案係>>唔係日日有團出發，有都係得一團正午出發...
哎呀!!!! 聽日有架，但我又無打算要o係呢度過夜....

我又問小姐...如果包架的士去睇大約幾多錢
佢話咁多>>>$$$
但如果大家每車坐2丁人，條數真係...唔多抵，
算啦，雖然我真係好想帶大家去感受下好wild嘅薰衣草...
佢地呢種"無咩所謂"...捉到鹿唔脫角之餘...仲放埋佢走嘅旅遊生意態度...
(唔係無禮貌o個種喎)
我o係失望之中都覺得非常之有性格，
真係要比個讚佢地...

咁橫豎我都浸過南法嘅薰衣草田...算啦~
你地下次自己再黎過 lor 喎~

大家可以自由活動一個鐘
買下d薰衣草油、薰衣草包包、四圍行下...
話比大家知...d油o係當地人直頭當佢白花油咁用
按摩下...唔舒服索下...
我之前同你地游完水離開Skradine o個朝早，
左手隻無名指無端端腫痛，又唔似比野咬...
於是去到Split...有個薰衣草婆婆介紹左呢隻油...
想想下....第2日咪買支黎按摩下...真係鬆左好多....
你地都買番幾支送禮自用啦~

 

hi~ 又見到我....
咁你地自由活動...我咪有時間搵下外快囉...
租隻艇吖~

算嘞! 比你地發現左我嘅奸計....咁繼續囉...
沿岸一路行一段路會見到好多呢d 印有唔同羅馬數字嘅野...
有無人知道係做咩呢?
(答案都係一位團友估架咋....但又好似啱咁...)

呢個睇佢衣著
似係聖方濟各..或者同呢個修會有關嘅人...

又睇呢個嘅衣著...好明顯係放緊假....
坐左o係疑似方濟各對住嘅修院門口...準備入去睇睇

 

唷~見到poster今晚o係修院呢度有音樂會~
但點解又係聽唔到!!!!
我地今晚要返去Split執行李
準備去下一站.....試下估估去邊?