『克羅地亞 X 黑山共和國 』文化遺產之旅(11)

請大家望去車嘅左手邊
"瞬間看地球" 嘅3D版黎嘞
3D眼鏡唔使帶....只要帶番對太陽眼鏡就得嘞

呢度..
就係Dubrovnik杜布夫尼克嘅古城~

我地book左間o係城外嘅民宿
要入城都要坐大約十幾分鐘嘅巴士
行都得...不過要預30分鐘左右
我呢d "後生女" 平日都鍾意行就無咩大問題
但如果怕熱怕到死嘅人就唔好嘞

嘩~~~ 幾好天

老實講....純粹個人感覺....
如果我地嘅行程係由呢度做起步
可能會無咁失望....
因為相比起之前嘅地方
Dubrovnik 令我覺得大家好似一個遊客之餘...
亦都似一條條有腳嘅水魚.....
紀念品無處不在...
價錢亦都好上等...
感覺刻意...

不過咁...去旅行最緊要係咩呀?

{}

無錯喇~ 既然都黎到咯...梗要令自己繼續開心架ma

o拿! 睇下呢位 uncle...
佢只係用鐵片做筆頭
就可以畫到風景畫...真係學到野架
我都要練下用指甲畫...
第日連筆都可以唔使帶就可以o係旅途中搵2餐

再睇下呢位 aunt
佢嘅刺繡又真係幾有心機喎
仲會著埋套民族服裝等你認識下添

而呢位 e e 亦都有雜技表演
"赤足踏石"
聽聞古時有好多少年為左要引 D 女仔注意
於是就跳上呢塊石到

 

 

呢個..真係無野好講...有水出我都唔會斟....

行行下咁快又入黑...
我地要同克羅地亞 bye bye 喇~~
跟住...我地會去 "Montenegro黑山" 繼續承受文化遺產!