『克羅地亞 X 黑山共和國 』文化遺產之旅(9)

真係生意難做....
唔想無晒 D blog友
一定要勤力D帶埋呢團先得嘞

好彩仲有你地呢幾位hard-core-blog友肯黎我呢度
真係感激

"魔............鈴...呀!!!!!!
大家快d執好行李.....趕早船呀"

上船先上船先.....坐定定

同大家講少少野
有無發現我地到左Split之後就不斷咁搭船去呢度去o個度呢?
請大家先睇睇下面 呢張地圖就會明架嘞

 

Split 係克羅地亞另一個大城 , 而且又o係沿岸位置 ,
對出有好多島嶼話咁快咁去到...好似去大嶼山咁方便
所以好自然就o係呢度做個基地嘞

不過
今日去嘅島...我地就唔會即日來回
住兩晚咁多啦
因為我地需要好悠閒咁去感受一D野

呢個島就係叫 Vis
我o係地圖到指左出黎嘅位置
由 Split > Vis 一樣有2種船可以去到
Ferry : 要2個幾鐘  /  Catamaran : 個幾鐘
但船真係唔係太密
所以第日你地自己帶團時都要check清楚

快樂嘅時間真係過得等別快....又要落船喇~

 

不如o係呢邊食個 Lunch... 一陣同大家行過去對面啦~

 

Vis呢度比起 Hvar 更加寧靜
係靜到無朋友咁濟
一路行嘅時候....
有無覺得有唔少目光令到大家以為自己係個外星生物?
要搵個同鄉都好難~

不過咁...呢度o個種度假嘅感覺好似好 local,
因為無為遊客而設嘅紀念品...
頂多都係 post card
可能係暑假關係 ,
黃昏入夜嘅時候....仲有d小朋友o係度賣野...
好明顯係自己o係海邊執番黎嘅貝殼
或者
自己亂扎嘅薰衣草擺

看似平平無奇 ........反而就係最有價值嘅地方
至少仍未有旅遊污染

唔知呢團嘅團友啱唔啱呢種 feel 呢?

地方小小都發掘到一個羅馬浴場...工程進行緊但中門大開 ....

真係好熱....

等等我....浸下腳先...
哎呀~~咩呢架????

嘩~ 有無人有wasabi 同埋膠布 o係身?

沿邊嘅小路都唔好錯過....一直行上去啦...
可以有另一個角度睇下...

 

 

 

 

聽朝 09:00 ......o係碼頭見
記得著定泳衣泳褲!