聲光園

前晚去左九龍寨城公園
差d唔記得買左飛....唔係又miss左

呢個戶外裝置藝術只係晚上展出
原因係有關光配合聲音去做出一d好有趣又鬼異嘅感覺
係由一班英國著名嘅裝置藝術家做出黎
之前都o係英國嘅牛津、利物浦、愛丁堡藝穗節展出
詳細參考呢度↓
http://www.hk.artsfestival.org/tc/prog/48/

進場前有地圖同作品介紹
但入到去黑媽媽...都睇唔到張map

o係裡面亦都唔可以用閃光燈同埋腳架
即係唔使影...但為左介紹比大家
都夾硬用我個傻瓜影左幾張朦朦地嘅『藝術照』

老實講...用照片真係表達唔到置身其中嘅感覺
好似呢個...只係睇到光管字
但當佢放o係早叢中不停咁無秩序咁閃
加埋聲效..開始覺得去左另一個世界

用留聲機去播放乱紙聲...d紙係粗糙不平架..所以d聲好怪

呢個係放o係水面嘅...一路風車轉...配合左轉動嘅聲效...

愈行愈覺得自己入左地獄深層一樣
呢個位嘅聲效都幾過癮...睇下面講...

有支野綁住左一個好似短左嘅德國腸形狀嘅物體...
好不受控一樣咁自己跳來跳去咁打鑼
令我想起一齣港產cult片嘅被刪剪一個片....有d不安

呢條羽毛係自轉咁去彈撥左右兩邊嘅絃...

至於呢個盆景陣，每個前面都放左一支會前後慢慢移動嘅小射燈
移動時就會令影子產生放大縮細嘅效果
初時以為好無聊...但當眼前有咁多盆一齊你開我縮
好似見到佢地好慢嘅生長同死亡一樣....
(呢個只係我個人觀感)

呢個係最令我不安又無聊到極點...但又服左佢地嘅想頭...
個screen一路放住呢個會變化嘅畫面
好似萬花筒一樣

但佢係好有質感...好似身體嘅野但又唔知邊部分
濕揼揼又淋啫啫..真係好核突

原來
現場係有一位藝術家去一路控制住呢個銅缽裡面嘅東西
佢用好幼嘅紙條去"撩"下d野...又慢慢轉下個銅缽...
而做出變化....

睇清楚d先...
係蝸牛 + 花辦
真係好不安呀!!!