『克羅地亞 X 黑山共和國 』文化遺產之旅(14)

hi~ 導遊ee又出現喇
大家快d歸隊

好嘞
講明呢個叫文化遺產之旅
黎到黑山當然又要去瓜分下佢地D遺產先得啦
大家放心
呢度嘅遺產唔係屬於姓何嘅，亦都唔使平分四份
所以可以盡情咁去攞
呢度就係古城 KOTOR
一見到呢條護城河就知道...到左喇

 

KOTOR都係一個經歷幾滄桑嘅地方黎架
試過大大小小嘅戰爭之餘
亦都o係1979年地震過
震到聯合國o係同年都要將佢列入世界文化遺產
而家我地見到嘅....都係好努力咁修復得黎
(睇下人地幾乖....如果o係香港一定會將護城牆修復成『李氏力牆』)

 

o係古城裡面基本上係唔需要睇地圖行嘅
呢張紙嘅作用係比大家知道一d建築嘅介紹同位置
另外入去古城係唔需要費用
但如果你地要跟我去行下一個 post 嘅範圍時就要收番2€
參加嘅話唔該拿拿臨過數比我....散紙我收架

KOTOR 古城裡面係有住處，
但費用當然會比城外民宿貴
不過就好方便，
除左方便遊覽之外....
古城旁邊就係巴士總站
去黑山其他地方都方便好多
包括過去克羅地亞
呀~ 唔記得同大家講....
o係巴士總站同樣有好多人o係度兜民宿生意
如果唔介意嘅話
都可以去到先至搵地方住都無問題
就好似我地到達o個晚...都仲有唔少人o係度等緊架

 

周圍行...會知道呢度東正教堂有唔少....

 

 

 

 

天主教教堂亦有...呢間就係紀念一位修女嘅
呢度咁靚嘅門...就將佢嘅事蹟雕刻左出黎
聖堂裡面仲放左佢長眠嘅遺體o係度...

 

行下其他地方....都幾靚架
只要有陽光...其實邊度都會靚

 

我就真係幾喜歡呢種頹垣敗瓦嘅感覺
你地又點睇呢?

試下黑山國產可樂先...
真係.....好特別........
無得...........頂!

好嘞
飲到成肚氣之後
應該有力繼續去古城嘅後防位置...
去喇!