搏擊夜

呢晚去左九展
首次現場睇自由搏擊

呢2位九十後黎架咋
右手邊o個個仲啱啱考完A Level
後生仔技術唔夠都體力搭夠

仲有女拳手添
就係背住嘅係泰國 vs 面向你地嘅意大利
泰國女拳手d腳法都好強勁
下下踢去對方度都"啪啪聲"

你地睇下呢一張就知最後邊個勝出嘞

呢2位睇到全場都笑
白褲呢一位係以 "巴西柔術" 去出招
一開始無幾耐佢已經將對手按住佔上風
呢一 round 係5分鐘...有4分半鐘一直就係咁樣
無野睇到
當然反抗時會有少少轉轉下咁啦
轉下轉下...轉到去台邊...仲hold左好耐
裁判見佢地就轆落台咁濟
叫佢地起身行番去中間呢個位再繼續
兩個大男人起身行番去個ring嘅中間之後
一個好乖咁瞓番低 , 比另一個繼續鎖番住佢
現場睇真係幾好笑

認唔認得呢位咁大隻又著到咁咩嘅金人係邊位呢?
佢就係長洲搶飽山搶到出晒名嘅鄭麗莎喇
呢度無飽山喎...佢黎做咩呢?

表演下勁舞.....同埋防狼術咁啦
(其實佢咁大隻邊個夠膽搏佢朦吖)

表演完到下一ROUND喇!

呢位叫子彈
唔好見佢係洋人
身為一個泰拳拳手o係比賽前都要o係4個角拜下

子彈嘅對手係一泰國人
更加成隻舞跳完先開始比賽
講真..我都幾欣賞呢個過程

呢位同師傅對拜嘅就係叫郭家文
佢係香港60公斤拳王
亦都係世界泰拳錦標賽60公斤組嘅銅牌得主
成晚最好睇最刺激就係呢場
睇下先

經過今晚....我似乎都有少少興趣去繼續睇
再有機會...又影到好少少嘅相...再醒拳你地!