2012冰島無價之旅(6)

hello~ 又係我呀!
咁就梗係又係我啦....唔通掉低你地唔理咩!?

到左冰島北面嘅大城市Akureyri喇
機場都係好細架
各位團友....我....我...我有d野想同你地講....
因為我唔識開車....而機場呢度亦都無任何公車會開入市中心
所以....一係搭的士....一係行路....
而我呢個團係要慳埋d婆仔數先有得玩嘅...所以...要辛苦大家喇!
 頭先問左人...大約行20分鐘左右...但我諗拉埋行李...預多10分鐘到啦

:「oh~no!」 :「我接受唔到囉!」    :「唉!跟你團真係運滯...無眼睇!」




:「無問題!!! 我地d咁rock嘅人陪妳行一陣有咩所謂吖! 出發啦!」

出左機場右邊沿住海邊行...好易揾...大家著多件衫呀...雖然話係夏天，但都好大風下架!

一陣就到左
見到呢度就知道到左市中心
大家要記住呢度
左邊同右邊除左係mini infomation外...仲分別係兩間唔同嘅長途巴士公司嘅售票處
遲2日再同你地講
而家快d 搵下住o係邊先...
hello~ ........djsafdf kdkfjlads f kdjak..yes yes I am waiting....係係好!
咁頭先同包租公司溝通過
佢話叫我地o係appartment樓下等等
好快有人攞條匙黎架喇!
appartment就o係左邊行前少少就到，好快!

除左條匙...
頭先位冰島男仲送左袋野過我...hee~唔通佢有少少鍾意左我..
睇下咩黎先...
枕頭袋!! 被單!! 床單!! 毛巾!!
：『haaaa~鍾意妳!!?阿領隊妳仲爭個o郎口盅同一個橙..就可以入大倉喇!』
『快d上去舖床比我地瞓覺豬啦!haaa~』

休息完又周圍行下先啦
首都Reyjavik排第一...Akureyri呢度係第二大城市
雖然話大.....不過其實又唔係大到好緊要

 

 

 






我就最鍾意帶D團友行下市集或者二手店
呢間幾warm喎...入去睇下先


真係咩二手物品都有得賣
有D仲係好古舊好有味道
但我就真係從來未見過有"呢種"二手野賣喎?!
不如同大家玩個眼力遊戲
o係呢張相入面搵下先...



無錯!
就係佢→排second hand 假牙呀!
呢樣應該叫second mouth先啱喎




更估唔到冰島除左有bjork同sigur ros之外
仲有咸豐年嘅台灣歌手"青山"隻碟賣



呢條街掛左咁多野....
OH~原來有間美術館o係度喎


又走入去睇下有咩野先






呢5張相看似無咩特別
其實都有d趣味架....



就係o係Akureyri呢度搵左5個最盡又拉到直線嘅地點去拍攝


咦! 呢度有野玩喎....睇下寫咩先...
:「領隊..佢寫咩呀?」


上面左邊咪寫左囉，你自己睇下啦，我要去畫下野先...

行完museum又同大家介紹下呢棟建築物
佢係Akureyri嘅文化及會議中心
http://www.visitakureyri.is/en/things-to-do/culture/hof-cultural-and-conference-center

裡面仲有一個較為齊全嘅information
好多local tour 可以o係度有資料...仲可以順便報名...
地圖當然有得攞啦
最好嘅...就係information 位哥哥介紹我地要試下鎮頭附近間雪糕店嘅雪糕
誓言係全冰島最好食嘅~

:「喂!!!!領隊呢?????唔見左人嘅????」








:「哼! 我見到佢喇....佢o係度........」


唉呀!
身為一個負責嘅領隊....梗係要先試下有無問題至可以比團友食架啦!
真係好好味唷~~