不可思議的真人真事 之九製陳皮

想起一個又係o係電台phone in 節目聽到嘅真人真事

外婆去完內地旅行
買左手信比大家

佢入左房o係個旅行袋攞左d手信出黎
細細聲同個女講

「呢包九製陳皮比阿孫仔食...不過等佢食完飯先比佢啦!」

於是到食飯時候
阿孫仔一直悶悶不樂咁嘅樣
直到食完飯
媽媽攞左外婆包手信比佢
但點都唔肯食

外婆: 「食啦...好好食架!」

佢仍然擰晒頭...死都唔肯食
仲想喊添


外婆: 「你做咩喊呀?!」
阿孫仔:「我頭先聽到你o係房同媽咪講...呢d係狗仔層皮黎嘅~!」