2012冰島無價之旅(9)

 

大家好!
停左o係度咁耐
相信大家開始懷疑可以定居o係冰島喇...係咪呀?



你地就想喇!
仲唔快行!
今次呢一段唔坐飛機...坐巴士!
我地由Akureyri 去 Hofn!

呢個場景又出現喇~
之前我講過叫大家記住左右邊呢2個 mini information 嘅~
裡面分別係兩間唔同嘅長途巴士公司嘅售票處
點解要分2間買呢?

睇番張地圖先

由北面Akureyri 坐巴士去東邊嘅Hofn 係必須o係Egilsstadir 轉多程巴士
而呢段路程...係由2間唔同巴士公司去負責
所以大家要買票就要分2間去買嘞

第一段
http://www.nat.is/travelguideeng/bus_stop_akureyri_egilsstadir.htm


第二段
http://www.nat.is/travelguideeng/bus_stop_hofn_egilsstadir.htm

好清楚啦!
:「哦! 係呀係呀!至清楚係你喇! 仲唔快d幫我地買飛，咁鬼耐先帶我地去下一站!」

 係嘅係嘅~等我call阿司機叔叔先呀....
『hello~一陣去到中途休息嘅時候...是但揾個地方漏低頭先好多口個團友...』


各位!
坐巴士雖然時間會長少少
但沿途嘅風景已經補番晒數

去Hofn o個段嘅司機叔叔仲揾個一望無際嘅地方停低比大家休息下

終於到左Hofn 喇!

比番d溫馨提示大家先:
呢個鎮要由中心去番機場係無固定班次嘅機場巴士
初時問information嘅姨姨...佢都只係建議我地"打的"
但滯留o係Reykjavik嘅時候...天意要我地嚐過的士有幾貴嘅威力 (好在係airline比$$)
所以我一問再問下
姨姨又突然改口話可以預約機場巴士(不過所謂嘅巴士係一架7人van黎架)
就係咁慳番唔少! he~

呢個提示係咪好溫馨呢?
都係講番Hofn先
呢度真係靜到無朋友...唔係講笑...真係無朋友!
呢個鎮非常細
有位叔叔話後生d嘅都出左去大城讀大學或者工作
但我又真係好有疑問...見到Reykjavik同Akureyri 呢2個叫做最大嘅城市
似乎都係唔多大...要容納工作機會...會有幾多呢?

:「導遊小姐! 呢度既然連村民都走嘅地方...點解妳仲帶我地黎呢?」

問得好!
就係因為去呢度Jokulsarlon Glacier Lagoon
大家上船啦!

我搵左個方法將呢個旅程好立體咁帶左番黎
出發前...我選擇左一隊好飄嘅冰島band嘅一首音樂
當大家一路o係冰湖上浮遊嘅時候...聽住呢隻音樂..
第日返到香港時...再聽到佢嘅時候...你地會感受番當時嘅感覺
好正唷!

click左先再開船啦
(要跳左個廣告先)




 

呀~ 溫馨提示大家
根據有位plan緊去呢度嘅隱形團友報料
呢隻海陸2用船要5月先會落水...如果你4月去都未必會有得坐架
但都可以o係岸上欣賞下冰湖嘅

打碎左番冰比大家分享一下先

 

我食塊大嘅~haa



 

 
有無團友有毛巾呀!?
我....好似搞錯左d野.....!