快樂國度‧丹麥(上)

最近
睇到雜誌再次提起呢個地方係一個快樂國度
一睇個美人魚銅像，唔使介紹都知道係邊個國家喇 !

無錯嘞! 係丹麥!

身處一個快樂國家中
點解佢仲好愁咁樣嘅 ?

原來
佢一直坐o係首都 哥本哈根 呢塊座落於水中嘅大石上面
不知不覺都已經好多年
衫又無得著，日日仲要比人望住晒，連相都比人影埋
最慘係
個頭仲比人鋸斷偷走好幾次

攪到咁
美人魚佢都仲要賴死唔肯走
可想而知
生活o係丹麥係幾咁快樂喇!

雖然
我無o係丹麥生活過
但都估計到呢個國家應該真係幾好

因為
一次入境挪威
官員巡例問問原因
答左，以為走得
點知...佢再問我點解唔去丹麥玩??
跟住
去到 Hostel check in
櫃位o個位哥哥又問同一條問題!!
一到步就趕客
令到我真係好想去丹麥睇下

於是
兩年後o黎到呢個快樂國家
將佢冰山一角嘅快樂靜靜偷走左!