快樂國度‧丹麥(中)

除左美人魚
其實丹麥仲有一個人係好出名嘅~
如果無左呢個人
美人魚都唔使旨意o係塊大石坐到而家

記唔記得係邊個呢?
：
：
：
：
：
：

↑
咪係佢囉
安徒生
(Hans Christian Andersen)


佢寫嘅童話故事
你同我嘅童年應該都聽唔少
咁究竟佢嘅童年又o係邊處度過呢 ?

就係呢度----奧登斯(Odense)

安徒生嘅成名
令奧登斯由一個普通嘅小小鎮變得不平凡
好多o野都因為佢而改變

就好似呢支過馬路用嘅交通燈
紅綠公仔都係以安徒生 高帽+士的 嘅造型設計
係咪好 cute 呢??

去到一d小巷
仲會隨時見到童話故事中嘅主角
呢個『大肚dum，無良心』
明明無著衫
但仲好 Enjoy 咁照住鏡話件衫好靚嘅肥佬
你都意會到係邊個故事喇 !

至於呢間屋仔
係安徒生兒時居所
我嘅右邊而家做左有關安徒生資料嘅展覽室，左邊就變成民居
點知道係民居 ?
因為一開門，見到裡面一家大細食緊飯
真係尶介
Say 句 Hi ! 即刻閂門走人!

大家可能點都估唔到
安徒生原來係一個極度憂鬱兼自悲嘅人
一切源於佢自幼貧窮同怪怪嘅外表
不過
相比起凡高
佢已經幸運得多
至少o係佢有生之年成名之餘
仲有受勳嘅機會

我到達嘅時候正係安徒生誕辰200周年
令到奧登斯呢個地方更引人注意
離開時
o係火車站見到四周圍都有呢個貼紙

睇呢句說話
好明顯係 Arhus 呢個城市有人唔順氣喇 !
(唔好意思! 我唔知Arhus中文點譯，淨係知道個讀音類似係"all whos")

當我到達行程嘅下一站 Arhus 時
我就明白晒嘞
我對佢地只有深表同情......