瑞士非常突然之旅(第7篇)

各位，今日黎到 Schaffhausen(沙夫豪森)嘞!
比起之前嘅Stein am Rhein(萊茵河畔施泰因)，呢度大好多，
坐火車過黎都係30分鐘左右，火車站對面就係舊城區，好方便架!

 

雖然我覺得呢度無 萊茵河畔施泰因 咁細膩，
但都值得走一趟嘅~

 

 

大家過過黎先!
咁啱今日有個市集喎，有野食，又有一D有特色嘅野賣，
橫豎有時間，慢慢睇下啦!
可能會搵到 D 啱心水嘅野架~

 

呢個妹部單車仔真係好有型.....我都想要部添~

 

行完個舊城就過番去火車站搭巴士
係呢架嘞→1號巴士
：
：
：
：
其實我帶你地黎呢個鎮，主要都係想去下面個地方咋
就係Rheinfall(萊茵河瀑布)喇!!

 

 

唔該等我一等，我想執塊石頭留念....
一陣我會同你地過去對面架喇!

 

準備好未??要上去右邊個石山喎!

 

唉~阿團友你做咩著住對蛙鞋呀!? 有船過去架，真係丫!

 

 

雖然比起尼加拉瓜大瀑布仲相差好遠，
但係萊茵河瀑布o係歐洲黎講，已經係最壯麗!
慢慢欣賞下...

 

如果喜歡玩激流，呢度都有提供，
有興趣自己去搵搵!

 

 

 

我發現左d野呀!!
你地見唔見到呢???
呢~ 中間o個隻呀......

 

係水獺仔黎架~
好得意呀!!