很高興最近與一位失散很久的朋友再次聯絡上，他曾經是我的 puppy love .....
那是中學二年級，我們是同班同學，不知怎樣開始了，當中有快樂也有傷心，
不久，無聲無色的分開了，puupy love 就是這樣......
告別校園，十九歲那年，puppy love 再次跟我聯絡，本暫不打算拍拖，但心太軟，又開始了，兩年後，大家實在感覺不適合，結果還是老樣子，只是今次有始有終，還當了個"衰人"的角色，由我畫上句號。
雖然分開了，但有一件東西我卻留著至今，就是中二那年他送給我的童年照片......
沒有歸還，是不想分手要分得那麼小家子氣，不是所有東西需要物歸原主罷!
仍然留著，是我在想....這是一張十分珍貴的照片，希望有一天能交回給他!
就這樣，保留了很久很久.....
Facebook的出現，除了讓我尋回一些昔日同窗外，也再次跟他聯絡上 ，只是他現居於地球某個角落，未能聚聚， 提及我有一件很珍貴的東西待交還主人時，他竟一擊即中，不枉我這些年來把它保管得妥妥當當!
能物歸原主，心裡真的很舒服....
╭☆╭╧╮╭╧╮╭╧╮╭╧╮╭☆ ╰╮║前│║來│║拜│║訪│╰╮ ☆╰╘∞╛╘∞╛╘∞╛╘∞╛☆╮
回覆刪除╭☆╮╭★╮╭☆╮╭★╮╭☆╮ ║人║║氣║║旺║║旺║║捏║ ╰★╯╰☆╯╰★╯╰☆╯╰★╯
♥comm3nt♥ ♥comm3nt♥ ♥comm3nt♥ ♥comm3nt♥ 記得去我blog比個cm ★crystal♥小公主★上
未經本人允許,不得轉貼,如有違規者,一經發現,將會被視為侵犯知識版權論,永久加入黑名單!
╭───∣∣∣───╮ │ ∣ ╭╮ ╭╮ │ ● ● ∣ ﹨﹨ ∕ ∕ │○ ╰┬┬┬╯ ○ ∣ ╭ ╮ │ ╰─╯ ∣│ ╮ ╭∣ ╰─── / ─────╯ ╰───╯
[版主回覆07/08/2009 23:40:00]哦!
唔駛再有樣"失物待領", 心情當然放鬆了! facebook真係一項好偉大o既發明, 搵番好多舊同學舊朋友呀!
回覆刪除[版主回覆07/08/2009 23:45:00]係呀!呢件"失物"真係留左好耐，每次執野見到時，都無騐過要掉，就算我7老8十嘅時候先比得番佢，我都會留，可能個天都支持我唔住喇! 而家真係舒服晒
早晨﹗7姨，妳真長情﹗
回覆刪除[版主回覆07/08/2009 23:51:00]hello~心雨! 長情.....比起以前，我都硬心腸左好多喇! 唔想太多失望ma
好多朋友都話FACEBOOK好用......因為可以搵番失散好多年的同學或朋友! 咁你都算了結左你咁多年的心願呀.......
回覆刪除[版主回覆07/08/2009 23:55:00]我仲搵到一d同屆但唔相識嘅同學添，咪當新朋友囉~ 心願了結左大半，睇下佢幾時可以真正交番比佢就更完滿
我也有同樣想法,不是小氣,而是珍貴...
回覆刪除而且通常這種相沒多少張
[版主回覆07/09/2009 00:00:00]真係得一張咋，仲要係5R相，無底片添，佢仲記得，証明呢張相對佢真係好珍貴，好開心我傻左咁耐原來係無白費架!
講開facebk.....真係讓人又愛又恨.....佢既好處就係可以遇番好多同學朋友.....但係.....有d人唔多想見....唔多想唸起既都要照單全收......你唔add佢咩......佢日日貓你......仲將你以前d相放上去......唉.....真係有d煩呢.....我唸如果唔係facebk.....佢一定唔會唸起我囉......唉.........
回覆刪除依家我想取消佢都唔得....請問咁多位有冇方法取消佢呢.....請多多指教...
[版主回覆07/09/2009 00:08:00]facebook真係唔可以有秘密架，所以唔想見嘅人咪唔add佢囉，網絡世界就係可以咁直接 !(雖然係好無情咁 ) facebook我唔係成日上，但好似可以delete唔同呢個人聯絡o個喎?! check check先!
你知FB的相片可以選擇性的公開嗎? 將你add了但又不想他們看到你的照片的人分類為limited profile， 再在照片的security setting block曬成group "limited profile"的人。 可能你早知道不過的係最近先發現!!
回覆刪除[版主回覆07/09/2009 09:34:00]我只係知道可以完全唔公開，原來可以 group 埋，唔該你呀! 不過，我放得上去嘅相都係可以比人睇嘅，最老土係有人放左一張有我嘅合照o係度，而呢張相我係無打算公開.....
puppy love 咁 good…
回覆刪除[版主回覆07/09/2009 23:51:00]都無乜咁good嘅~ 大把人有啦!
留下的物品終於可物歸原主，心情可放鬆點了吧！
回覆刪除想問，你保存了這麼久，有沒有收倉租？
[版主回覆07/10/2009 00:23:00]都鬆架~ 哈!你真底C，咁都騐到 .......都好喎 橫惦最近手緊!
晚安喇~~腦友記 Kitty請你食宵夜呀
回覆刪除[版主回覆07/11/2009 00:01:00]多謝Kitty 呀! 我真係有d肚餓... .
多謝晒你提供既資料.....其實....此人我一樓都冇add佢....但就被佢成日d貓煩住晒.....不過我會堅持唔會add佢架啦...^^
回覆刪除[版主回覆07/12/2009 00:01:00]唔使客氣~ 舉手之勞啫
我都有嚐試過在FACEBOOK搵當年的人, 可惜搵唔到
回覆刪除[版主回覆07/13/2009 23:43:00]其實我都搵唔到，係d舊同學同佢有add到，佢見到我所以主動聯絡番，真係好彩，還我心願
也真。FACEBOOK既能找回昔日同窗，但同時它帶來很多煩惱，不過物歸原主總是件好事，不然多過幾年，大抵保存者也會忘記了。
回覆刪除[版主回覆07/14/2009 23:30:00]當你知道我留左呢張相幾耐，你就會知道我唔會忘記，始終自己開左個頭，好想歸還.....
再續前緣？！
回覆刪除[版主回覆07/14/2009 23:31:00]19歲o個年咪續左囉~
哈囉﹗7e，我來探妳囉﹗
回覆刪除[版主回覆07/17/2009 00:03:00]hello~ 心雨 狗我鍾意呀! 多謝~
唔可以成為最愛....或者你同佢可以成為"致友"! 竟然如此心有靈"西"
回覆刪除[版主回覆07/21/2009 15:23:00]點解個西字要括住架??? ha~我同佢最心有靈西嘅一次，就係大家覺得係時候要分手，但無人肯開口!
Facebook造就了奇妙的重遇....
回覆刪除[版主回覆07/21/2009 15:30:00]也令我完成一個小心願...
我睇完覺得好浪漫呀。。。
回覆刪除[版主回覆07/21/2009 15:31:00]咁好~ 可唔可以拍套小品呢?
嘩, 你呢篇野犀利, 攪到我都諗起初戀.......
回覆刪除你係得既!
我都係fb search下先!
[版主回覆07/21/2009 15:34:00]嘩!乜我真係咁勁連你都影響到????? 話個名比我知，等我同你search，我好"手神"呀!
puppy love係好純情的 ...妳重有keep住妳都好長情, 我來美以前都keep好多以前的信件, 小禮物咁, 不過後來搬吓搬吓都唔見哂lu~
回覆刪除[版主回覆07/22/2009 22:58:00]我都只係以心為心咁騐，如果係我，有人比番樣咁珍貴嘅野我，我都會好開心!! 哈~你係咪有心慢慢唔見晒嘅??
哈! 我都保留咗好多當年既情信呀, 咭呀,小禮物等等.....
回覆刪除好彩蕃茄唔識睇,如果唔係
係FB去到朋友既個人檔案左手邊最下, 有一欄 "從朋友中移除 " 我試過啦! work嫁!
[版主回覆07/27/2009 11:15:00]無所有啦~ 而家無左當年嘅感覺，但都係回憶嘅一部份，不過都係唔好比蕃茄知嘞，明嘅~ 你呢個"移除禮"都應該係最近先至進行架啦!!
PUPPY LOVE永遠令人懷念
回覆刪除[版主回覆08/02/2009 23:33:00]都唔太懷念架咋，不過叫做傻過咁啦~
facebook最好的功能就是能尋回昔日同窗或舊朋友，很可惜我沒有7e咁好彩，時時都係我記得，而別人早已遺忘我，想add的時候，他們都要拷問／盤問我一大餐是否真的相識，彷彿我是白撞，因此漸漸我也不愛玩了。而且，facebook可以remove朋友，被remove的滋味有時都幾hurt的。
回覆刪除[版主回覆09/05/2009 23:13:00]被remove咁又真係有d hurt 喎 ，無法啦~ 朋友呢樣野其實都係講緣份.....