香港係一個幾矛盾嘅地方
看似開放但其實又幾保守
潮流令到好多人懶得為自己去尋找真正喜好
o係呢個框框以外嘅野就唔多容納
就好似聽音樂
我嘅成長都係o係流行歌曲呢個框框浸大
直到剛步出社會工作
我被開竅 !
原來
以前我認為嘈吵不堪嘅音樂係咁好聽
以前我認為教壞人嘅音樂係咁有意思
就係咁
我對耳朵同思維開始拉闊左少少
今次
唔理你地喜唔喜愛喇
我都要夾硬黎
"挾持" 你地一齊去睇show
唔准走、過番黎
係你呀!
跟我入場
開SHOW喇
!!!!!!!
原諒我大部份都係拍阿 PAUL 嘅相
因為實在太欣賞佢!
o係我嘅字典裡面，
"型"呢樣野唔係打扮一下就可以有
而係由骨子裡好自然地散發出黎
佢真係一個好"行"、有才華、好有態度嘅人
呢種就係"型" !
CONCERT請嘉賓呢樣野我就唔係太想，但一場黎到我都會鼓下掌!
第一晚係 '五月天"
(但我無帶機無拍到)
第二晚係黃耀明
最後一晚係 "太極"
同埋.......
陳奕迅
呢幾晚真係好興奮
特別係最後一場
呢晚係三晚之中最多"實Q"嘅一場
但最後阿PAUL好溫和嘅一句：
『都最後一晚咯，不如放佢地出黎啦，好無?』
『嗱~我保證佢地會好乖，唔會有事嘅........係咪呀!!!!!』
『係!!!!!!!!!!!!!!!!!!!!!!!』
不出2秒，我後面就有一大班人瘋湧上黎，
不過大家瘋狂得黎都好自律 ! 非常好玩!
咁都要多謝一下紅館有關方面肯放人嘅~
返到屋企
真係high到凌晨 4:00仲坐左o係個廳度眼光光!
唔知幾時再有機會喇!!!
好喇~放番你地走
多謝大家比我迫你地陪我睇完個SHOW
送兩隻歌比你地
希望有一日你都會感受到搖滾音樂唔係得個嘈字!
哇......你真係忠實FANS喎! 睇足三場......你坐得好前呀! D相影得好清楚, 我姪仔都有睇最尾個場, 但佢D相就冇你個D咁清楚啦..... 如果家駒仲係度, 我實會入場睇呀!
回覆刪除[版主回覆07/30/2009 15:01:00]呀~我直頭超越忠實 FANS 嘅位置添啦!!!! 咁叫你姪仔黎我呢度睇下d相，一齊回味一下啦! 喂喂~ 咁家駒在生時你有無捧場先?!! 雖然家駒嘅天份同地位係無人可以代替，但分開發展後，都唔可以抹煞阿 Paul 嘅音樂比beyond時代更加"行"同 "型"，好有個人風格，我而家聽番beyond時代嘅歌反而覺得唔夠"行"!
嘩, 你坐得好前呀!! d相仲好清好靚呢~~ 可惜我o個幾日未番到黎, 唔係我諗我都會入場high埋一份!!
回覆刪除[版主回覆07/30/2009 15:06:00]哈! 正確黎講，我係企得好前就真，前到唔可以再前喇~ 你都啱架?? 應該仲有機會，下次希望都有咁high啦!!
乜俾影相
回覆刪除[版主回覆07/30/2009 15:07:00]唔准錄影之ma，影相唔用閃光燈就o.k.!
好可惜去左旅行, 冇得睇
回覆刪除[版主回覆07/31/2009 00:19:00]希望下次你可以睇到啦~
呢種構圖我幾鍾意...
回覆刪除[版主回覆08/02/2009 00:53:00]呢一張我都幾鍾意....
嘩....睇足三場......勁爆呀......嘈既音樂一樓都唔係我既喜好......細個個時唔知點解d音樂要咁嘈......後來有人同我講......我大個d就會好鍾意呢d咁嘈既音樂.....到左年青人時代......依然覺得咁嘈既音樂好得人驚......到左依家......對搖滾都唔係咁熱衷......我係咪有d唔正常呀....^^
回覆刪除[版主回覆08/02/2009 01:09:00]有咩正常唔正常丫! 每個人喜好唔同ma~ 不過真係好希望每個人都可以拉闊眼睛同耳朵，唔好成日比個潮流框死自己.....一個好紅嘅歌手並不代表佢真係好，一d hit 嘅野亦都未必真係自己嘅喜好.....
個台同D燈好似好靚咁喎^^
回覆刪除WSTLIFE同AIR SUPPLY都唔錯嫁。
[版主回覆08/02/2009 23:41:00]好野喎~ 呢兩樣都真係set得唔錯，音響除左last場有少少問題，都好好! 多謝你介紹呀! 呢兩隊我都知道，不過就無捧過場LU，因為我對編曲豐富嘅音樂較為喜愛
始終是香港的搖滾經典
回覆刪除[版主回覆08/03/2009 00:08:00]係架~ 不過我都好想香港能夠出多d可以帶得起場嘅band，唔好幾廿年都係佢地，真係好洩氣.....
回覆刪除有才華、有態度嘅人
[版主回覆08/04/2009 00:05:00]R胳拉底回歸!!!!! 無咁忙拿?? JACK BLACK呢套戲我都有睇過，有D位幾好笑~
有機會,介紹一個很有特色,也很有才華的一組搖滾組合給你...
回覆刪除[版主回覆08/04/2009 00:07:00]好~ 等你介紹!
睇哂咁多場...............................我除左話你係有錢人之外都唔知講咩好~
回覆刪除你講開音樂, 你唔好介意, 其實我幾鍾意edison果d rap歌, 佢果幾隻碟我都識背, 好聽得黎好有意思!!
[版主回覆08/06/2009 00:47:00]我邊有咁多錢丫，不過...有d野掛左o係條頸就好過有"飛"，直頭曉飛咁濟...... 傻人!~ 點解我要介意呢? 雖然 rap 唔係我嘅喜好，但乜都應該聽下ma，Edison o個d有聽過dd，其實我都覺得唔錯，因為佢好識搵人，陳煥仁真係一個非常出色嘅音樂人黎架!
嘩, 睇一場都唔夠? HEHEHE....好係超級粉絲WOR~
回覆刪除[版主回覆08/06/2009 00:49:00]應該係"神枱級"先啱
好精彩，悄悄地告訴你：我都係 beyond fans！
回覆刪除[版主回覆08/06/2009 00:51:00]ah!!!! 終於有個beyond fans o係度喇!! 我都話啦，多少都有共通點先會物以類聚嘅~
謝謝妳到訪我個 blog......
回覆刪除話妳知我都多係聽 beyond 嘅歌成長, 好好聽!
可惜家駒佢........
[版主回覆08/08/2009 23:44:00]大家咁話啦~ 又多一個beyond fans，真係好! 其實我都遲左幾年先開始，不過都追翻之前嘅歌聽，家駒真係有佢獨有嘅味道，佢走左真係好可惜....
要點樣或什麼門路先可以將d野掛在條頸度呢?
回覆刪除[版主回覆09/05/2009 11:55:00]6字真言：識人好過識字