有巴士喇~ 快d上車啦!
哎呀~前日唔記得收番大家費用
搭大巴如果有大行李放o係車嘅行李箱
每件行李收 7 Kn 左右 , 手提上車嘅就唔收費嘅~
今日我地由十六湖坐巴士到Sibenik(旭本尼克)
大約要4.5小時
不過又唔會o係呢度停留
因為我地嘅目的地係一個小小小鎮 Skradin
o係Sibenik(旭本尼克)再轉市內巴士大約30分鐘左右就到架嘞
講講下又到左囉~
帶齊行李落車去check in 先
Skradin真係好細
20分鐘可以行完
我地會o係度住2日
咁大家今日可以全日自由時間
woo~
『2日??????唔係吖o麻? 20分鐘行完嘅地方要我地住 2日???』
呢位團友你要冷靜呢~~~~~只可以講 "醉翁之意不在酒....."
好似希臘咁，無花果乾都係克羅地亞特產，
同埋...烏蠅都係克羅地亞嘅特產..
我同大家介紹下...我左手邊呢位叫靚女，另外o個位叫媽媽，
靚女有野同你地講...
『我地d 無花果JAM係媽媽嘅homemade出品，買過嘅人都會因為d JAM返轉頭再買架....』
『而我爸爸就自製左一D無花果酒，大家可以試飲下....』
先飲為敬...
(飲..飲....飲飲飲飲)
呀!真係幾好味喎，3支! 唔該~
我無收回佣架!
雖然呢度好細
但都有間差館坐鎮
咦! 好似有D唔妥......
點解一入門口...地下係跳飛機黎架?
開飯喇~
今晚嘅晚餐就係旅館隔離間酒店仔嘅燒魚餐，
有湯有沙律...9€左右，係Skradin先咁抵食架!
講埋先
聽朝又唔使咁早起身，9:00am都無所謂
我會帶你地去一個『醉翁在意...』嘅地方
大家慢用
我捉個細路蝦下先!
烏蠅唔係西班牙特產咩?我只識呢種佐喎.
回覆刪除細路!要講唔好呀!
[版主回覆08/17/2010 00:43:00]咦~ 係咩? 你對呢個國家嘅烏蠅一定係好有研究同埋有深厚嘅感情.....好好堅持你嘅研究，加油 你睇個細路個樣唔知食左咩咁，佢一定講"唔該"就真
烏蠅都係印度的特產囉!!
回覆刪除我都好想知 "醉翁之意"是什麼....
2hour變2days.... (好似電影inception... )
[版主回覆08/18/2010 18:38:00]醉翁之.....已經出現左，快d上艇啦，差你一個咋 記得帶埋你個"圖騰"，我怕你開心到唔識返...
烏蠅係澳洲特產呀!! 克羅地亞我又唔覺特別多喎
回覆刪除[版主回覆08/18/2010 18:42:00]澳洲!!! 呀~好似有d帽係可以用黎趕佢地....係咪呀? 我都唔知係你好彩定我唔好彩，去到呢度跟住去split都有，呢度最多，一路食一路趕.....去到Dubrovnik就無乜....
20分鐘可以行完嘅地方住兩日........ 真係要期待妳比我地嘅驚喜!
回覆刪除[版主回覆08/18/2010 18:43:00]你期待嘅野已經出現左了........
我對你有信心, 就兩日咁多啦!!烏蠅 - 有牛的地方就有!
回覆刪除[版主回覆08/18/2010 18:45:00]真的嗎? 多謝! 呢度唔見牛，唯一有可能就係d魚腥食物味道....
導遊姐姐，我有好多嘢想問呀！
回覆刪除啲屋五顏六色好似威尼斯既島咁，影相一流！
啲人好守秩序噃！行街都要左上右落真係第一次見！
無花果酒係咪好甜嫁? 間差館既跳飛機, 係咪比啲帶著細路既反有嘢玩唔使齋等咁悶呀?
個餐9歐，呢度超市淨係條魚都唔止啦，味道可以嗎?
[版主回覆08/18/2010 18:56:00]哦~哦...... 我都睇過你d相，真係似威尼斯呢....呢部份以前可能都係比羅馬帝國統治過.....有影響 左上右落? 有咩? 我check check先..... 無花果酒甜甜地，試左少少就已經要買，5kn一支都要買! 至於個跳飛機.........係用黎懲罰d唔聽話嘅細蚊仔....要佢地loop住咁跳，睇佢仲敢唔敢曳 至於條魚餐....係有d鹹，我食野偏淡但都覺得好味嘅，好後悔無食多餐......實在好抵 希望呢位小姐滿意我嘅服務
好好天好晒呀，影出黎特別colorful
回覆刪除[版主回覆08/21/2010 11:22:00]同意呀~有好天氣已經有90%係一張靚相
我唔肯定有冇睇錯，好似，係好似咋！
回覆刪除因為條街地上面有條藍線，啲人啱啱又係正反兩面咁企噃！
[版主回覆08/21/2010 11:23:00]噢~視差呀
點解?點解?咁啱嘅?我哋都幫襯咗佢喎!
回覆刪除[版主回覆12/31/2010 11:08:00]係喎~~可能佢地呢檔至企理..無咁多烏蠅....我走o個日去同佢地bye bye...阿女仲送左一盒無花果乾比我呀
有無火車去既呢?
回覆刪除[版主回覆07/13/2013 09:34:53]價錢就真係唔記得嘞，你預佢都要百幾啦~ 長途巴士會o係中途某d站停耐少少，等大家可以鬆鬆!
坐巴士雖然無坐火車咁自在，但o係克羅地亞，火車似乎係無巴士咁方便，火車站未必o係正方便位，搵資料時我都有d R頭...全程巴士會唔會好難搞...但最後係無問題而且好暢順(但我係7,8月夏天去，如果冷天去巴士班次會疏好多..可能要等耐D)，而且呢次全巴士旅程又比左一個好好嘅經驗我，雖然有少少熱，但辛苦下嘅旅程先有體驗同過癮架ma
[咩咩仔回覆07/12/2013 15:51:35]坐咁鬼耐巴士都幾辛苦,有無中途停站休息去廁所呢? 巴士咩價錢呢?
[版主回覆07/12/2013 14:46:28]去Sibenik呢個唔肯定...但好似係無! 去Skradin就真係無!
其實巴士到左Sibenik就o係番同一地方等去Skradin嘅巴士...非常方便~