Oil Pulling

hello! 大家好!

過左黎成個月有多先打第二個blog

真係唔好意思

 

要搬番d post過黎對我講係好有難度

因為本人對電腦嘅知識.....係等同零一樣

o係呢度要再次感謝 貓B (心照!)

 

好嘞!

咁耐無露面

應該要貢獻番少少野

 

就分享下一種自然療法

叫做 『油拔法』

洋名叫 Oil Pulling

 

早一兩年

我嘅瑜伽老師同我地介紹過呢個自然療法

但礙於要做嘅時間係朝早

要再早D起身去做我又太唔願意

所以就一直拖住

 

早幾個月終於剔起心肝開始左

由7月頭到而家10月都有3個幾月

都感覺到有唔錯嘅效果

所以就順便同大家分享下

 

「油拔法」係古印度流傳落黎嘅保健方法

只係用一湯匙油漱口，完全唔使吞

詳細暸解同方法請Click入呢條 Link

http://www.islt.com.hk/image/vol57.pdf

 

o係呢度分享下個人感受

首先提提大家選擇油嘅時候係有限制

第一:

只可以用呢d油

芝麻油/ 椰子油 / 葵花籽油 /橄欖油都o.k.

除左葵花籽油其他三種我都試過

個人較為喜歡芝麻油

 

 

 

第二:

以上嘅油全部要係冷榨  

 

 

第三:

油只係需要o係口腔內嗽

唔好o係喉嚨度嗽

 

第四:

 每朝一起身未擦牙前第一口最適合

早上口腔經過一夜最多菌

如果要多做一次..應在進食後4小時/飲品後1小時做

另外有假牙者要先除下(這個不知原因..只是嚴浩的專欄曾提及)

 

 

呢幾個月用左之後

我無一個好誇張嘅轉變

大家要知道自然療法係需要時間

不能心急

但牙縫咖啡茶蹟真係淡左好多

而且感覺到條脷好清潔

味覺再敏感左

一直我都係一個淡味人

但發現用左之後

一次食同樣嘅酸醋放入沙律

我要用得更少

因為覺得非常酸

我嘗試比同枱嘅人試下

佢係完全無呢個感覺

 

另外嘅一個覺知

我本身係一個長期jet lag又或者係根本無jet lag嘅人

成日好眼瞓但又無時差咁隨時可以表演瞓覺

但做左之後

正常情況下精神係有改善

 

抗病方面

都係有進步

一次我家中有人咳左2個星期有多

仲要係咳到好恐怖o個種

照慣例

我係必會追隨

但今次我竟然係支持到最後

無事!

 

而眾多轉變之中

冠軍應該係呢個嘞

我嘅青梅竹馬朋友---飛滋

佢終於肯搬出去過d獨立生活

但咁耐朋友

久不久都會返黎探下我嘅

只係唔會逗留好耐

或者開枝散業

我地能夠和平分手

真係非常開心唷!

 

溫馨提示大家

方法雖然好

但都要注意飲食同定時運動

身體先健康

 

最後

我真係好推薦大家試下呢個保健方法

雖然好多朋友聽完之後

都接受唔到有啖油o係口度

但有一個咁好又唔使食落肚嘅方法

試左真係受唔住先放棄囉